Kwinte
De Kwinte (Frans: Canche) is 'n 100 km lange riviere in 't nôordn van Vrankryk, departement Nauw van Kales (Pas-de-Calais). Z' oentspringt in Gouy-en-Ternois en lopt via Frévent, Hesdin, Monsterole (Montreuil-sur-Mer) en moendt uut tusschn Stoapel (Étaples) en Le Touquet-Paris-Plage in 't Kanoal.
't Moendiengsgebiëd en de Boaie van de Kwinte moakn sedert 2011 dêel uut van e maritiem nateurpark in Vrankryk, genoamd Parc naturel marin des estuaires picards et de la mer d'Opale.
De vornoamste zyriviern van de Kwinte zyn de Ternoise, de Planquette, de Créquoise, de Bras de Bronne, de Course, de Dordogne (nie te missn met de riviere de Dordogne), de Huitrepin en de Grande Tringue.
't Stroomgebiëd besloat 1274 km² en omvat 203 gemêentn. De volgnde gemêentn dankn hunder noame an de riviere: Boubers-sur-Canche, Bouret-sur-Canche, Conchy-sur-Canche, Ligny-sur-Canche, Magnicourt-sur-Canche, Monchel-sur-Canche en Rebreuve-sur-Canche.
|
Ofbeeldiengn die ier by passn ku je vien in de categorie Canche van Wikimedia Commons. |