La Scaña del Domingo
La Scaña del Domingo is e Fransche skagroep uut Seine-Saint-Denis.
Biografie
[bewerkn | brontekst bewerken]Under groep is gesticht in 2000 en under name (e slicht vertoalde Chileense uutsprake) wil "de koater de zundagnuchtend" zegn.
In 't begun deedn ze ni anders of tourn. In 2003 en ze uutendelik under teruggetrokn in de studio vo Un bruit absurde court dans le quartier ip te pakn. Achter da dendeen kloar was in 2004 zyn ze weer begunn tourn, en in 2005 en ze beslist voen 't e bitje professioneler an te pakn en e manager en e tourmanager in te eurn.
2006 brocht twee veranderiengn: enerzyds kaamt ton under twêede album Tordu de travers uut, en anderzyds kaamt der e nieuwe bassist by. Ne was e slagsje ouder of de reste, mo da was gin problêem, integendêel: zen ervoarieng was mêer of welkom.
In 2007 zyn ze nog at tourn, mor ook nieuwe liedjes at schryvn voen under derde album da in 2008 moe uutkomn.
Siends da ze begost zyn en ze azo ol biekans 300 kis ipgetreden, voornoamelik in Franschtoalige landn of landsdeeln, lik Vrankryk, Wallonië en Zwitserland. In België en ze ounder andere al ipgetreedn ip Dour, Esperanzah en in Ciney. Z'en al getourd me bekende artiestn lik Manu Chao, New York Ska Jazz Ensemble, en nog vele meer. Buutn francofone regio's zyn ze ni echt bekend, verzekerst deuren da ze surtout in 't Frans ziengn.
Groepsleedn
[bewerkn | brontekst bewerken]- Julien Monier - hoofdzanger, trombone
- Rémy Oiseau - gitoar, banjo
- Philippe Henner - basgitoar
- Julien Hecka - drums
- Elric Pouilly - trompet, zang
- Romain Gravier - saxofoon, zang
Discografie
[bewerkn | brontekst bewerken]- 2001 - Vielles briques
- 2004 - Un bruit absurde court dans le quartier
- 2006 - Tordu de travers
Z'en ook an e poar compilatiealbums bygedroagn.