Lanuvio

Van Wikipedia
Itoalië Lanuvio

Lanuvio binn'n de metropolitoane stad Rome
Regio Lazio
Provinsje Rome Ôofdstee
(metropolitoane stad)
Coördinoatn 41°41′NB 12°42′OL
Ippervlak 43,76 km²
Inweuners

Bevolkiengsdichtheid

13.594 (2017)
310,65 inw./km²
Postcode 00040, 00075
Website Officieeln site van Lanuvio


Lanuvio, oltemets ôok gekend ounder oar oudere noame Civita Lavinia, es en Italioansche gemêente binn'n de metropolitoane stad Rome Ôofdstee in de regio Lazio. 't Ligt o de zuudôostkantn van Rome zelve, ip apeupri 30 kilomèiters van't center van Rome, an de zuudflank van d'Alboanse Euvels.

Zicht ip Lanuvio

Liggienge[bewerkn | brontekst bewerken]

Lanuvio grenst an de gemêentn Aprilia (in de provinsje Latina), Ariccia, Genzano di Roma en Velletri. De gemêente èit elf wykn en gehuchtn (frazioni): Campoleone (wa gedêeltelyk ôok in de gemêente Aprilia ligt), Bellavista (ligt ôok gedêeltelyk in Aprilia), Colle Cavaliere, Casale della Mandria, Malcavallo, Mantovano, Monte Giove, Pascolare, Pietrara, Sambuco en Stragonello. 't Center ligt ip 'n verôog van 324 mèiters, de wykn o de zuudkant ervan liggn hil wa lêeger.

In tydde van de Romein'n lag Lanuvio dichte by de Via Appia (de heirboane die liep van Rome noa 't zuudn tout in Brindisi) en wos de plekke ol gekend ounder de noame "Lanuvium" ofte "Lanivium".

Beziensweirdigeedn[bewerkn | brontekst bewerken]

  • 't Istorisch center mè zyn middelêeuwsche stadmeurn mè vier torrn
  • De collegioale Santa-Maria-Maggiore-kerke
  • 't Illigdom van de Madonna delle Grazie
  • Den Tempel van Juno Sospita
  • De restn van en oude Romeynsche brugge, de Ponte Loreto
  • 't Museum oover de lokoale geschiedenisse van Lanuvio
Wikimedia Commons