Lisbourg

Van Wikipedia
Vrankryk Lisbourg

Lisbourg in 't arroendissement Atrecht
Geografie
Regio Hauts-de-France
Departement Nauw van Kales
Arroundissement Atrecht
Kanton Sint-Pols an den Ternas
Coördinoatn 50°30′NB 2°13′OL
Ippervlak 17,77 km²
Inweuners
Inweuners

Bevolkiengsdichtheid

584 (2015)
33 inw./km²
Andere
Burgemêester Bernard Crohem
Postcode 62134
Webadres


Lisbourg, ofte Liegesboort in wa odder Vlams, es e klêene gemeente in't Fransche departement Nauw van Kales in de regio Hauts-de-France. D'r weunn à peu près zesounderd mienschn. Lisbourg grenst an de gemêentn Beaumetz by Laren, Laren, Prédefin, Équirre, Crépy, Verchin en Hezeke.

D'r komm'n veel (surtout Vlamsche) toeristn kykn na Lisbourg mè da doar, up en ogte van 114,7 mèiters, de Leie ountspriengt.

De Sint-Omoarskerke van Lisbourg

Leiebronne[bewerkn | brontekst bewerken]

Lisbourg noemde in 844 Liegesborth. Dat es Oudnederlands vo "geborte van de Leie". De Leiebronne ligt up 150 mèter van de Sint-Omoarskerke.

De bronne es nen artesischn pit mè een debiet van zo'n 3 m³ per mineute. 't Woater komt uut krytloagn in 'n ounderground.

De Duutsche èn in WO II geprobeerd van de diepte te meetn. Ze zyn meer of 200 mèters diepe gerocht, moa under meetinstrumentn giengn nie vodder dan da.

Nieuwe bronne[bewerkn | brontekst bewerken]

In 1984 èt de bronne eur zo'n 15 mèter verleid en begoste ze omoge te speitn in 't middn van e stroate die doa toun nog liep.

Vo woaterprobleemn in 't geburgte te vermyen, èn de Fransche autoriteitn de nieuwe bronne verboundn mè d'oude bronne. Ol 't woater lopt nu weg langs 'n oorsprounkelikkn weug.

't Woater èt e melkachtig kleur. Da komt deur de vele kolk die in 't woater zit en da van de krytloagn komt. 't Woater es in olle gevol styf zuver.

Ofbeeldiengn[bewerkn | brontekst bewerken]

De woaterplasse vlak boovn de nieuwe bronne.
D'oude bronne, na woar da ook de nieuwe bronne ommegeleid es..
De styf jounge Leie langs de stroatn van Lisbourg.
En informoasjepancarte ter plekke in 't Frans en 't Nederlands.
Wikimedia Commons