Mathilda van Vloandern

Van Wikipedia
Mathilda van Vloandern
1031-1083
Keuniginne van Iengeland
Periode1066-1083
VôorgangerEdith van Wessex
IpvolgerMathilda van Schotland
VoaderBoudewyn V van Vloandern
MoederAdela van Mêesn
Heur graf in de Abbaye aux Dames (Caen, Normandië)

Mathilda van Vloandern (ca. 1031 - Caen, 2 november 1083) was e dochter van Boudewyn V van Vloandern en van Adela van Mêesn. Ze was de zuster van Boudewyn VI van Vloandern en van Robrecht de Fries.

Round 1051 trouwde ze mè den hertog van Normandië Willem de Veroveroare, ton nog Willem den Bastoard genoemd.

Willem veroverde Iengeland in 1066 by de Slag van Hastings. Je wierd tout keunienk van Iengeland gekrôond in Westminster (Londn). Mathilda wierd doar in meie 1068 gekrôond en gezalfd tout keuniginne Maud van Iengeland.

Sommigte peizn da Mathilda ‘t Tapyt van Bayeux zou gemakt hèn, mo ’t zoudt in Iengeland gemakt zyn ip bestellienge van bisschop Odo, ‘n halfbroere van Willem de Veroveroare, die in 1067 benoemd wierd tout groaf van Kent.

Heur graf stoat in de Abbaye-aux-Dames in Caen, Normandië. Ze stichtte d’abdy in 1059.

Mathilda was de moeder van:

  • Robert Curthose, hertog van Normandië
  • Richard, hertog van Bernay
  • Alice
  • Cecilia
  • Willem II Rufus, keunienk van Iengeland
  • Agatha
  • Constance
  • Adela
  • Hendrik I, keunienk van Iengeland, trouwde met Edith van Schotland, dochter van Malcolm III, keunienk van Schotland. Zyn twidde vrouwe was Adeliza van Leuven.
Wikimedia Commons Mêer ofbeeldiengn die ier by passn ku je vien ip Category:Matilda of Flanders ip Wikimedia Commons.