Willem II van Iengeland

Van Wikipedia
Willem II
ca.1056-1100
Keunienk van Iengeland
Periode1087-1100
VôorgangerWillem I
IpvolgerHendrik I
VoaderWillem I
MoederMathilda van Vloandern

Willem II (Iengels: William II) (Normandië, ca. 1056/1060 – New Forest, 2 ogustus 1100), was de derde zeune van Willem de Veroveroare en Mathilda van Vloandern. Je was keunienk van Iengeland van 1087 toet 1100. Zyn bynoame was Willem Rufus (de Rôoien), verzekers deur zyn rôod oanzichte.

Willem Rufus was de derdn van vier zeuns. Den oudstn was Robert Curthose, den twiddn was Richard, en de joungstn was Hendrik. J’haad ook nog vuuf zusters.

Je volgde zyn voader ip ip de trône van Iengeland, mo Robert Curthose erfde Normandië. Richard was round 1075 gestorvn binst de jacht in de New Forest.

Willem vocht teegn Wales en Schotland. Zyn broere Robert Curthose verpachtte ‘t groafschap Normandië an Willem os ty in 1096 ip kruustocht vertrok.

Willem was e flamboyante figeure en je wordt in de kroniekn beschreevn als losbandig. Je zou vo de vintn gewist zyn. J’is nôoit getrouwd gewist en j’ha gin jounges.

In 1100 wierd ie binst de jacht in de New Forest dôdelyk gerakt deur e pyle. Da kwam goed uut vo zyn joungere broere Hendrik want Robert Curthose, die normoal recht haad ip de trône, kost alle momentn were kêern van de kruustochtn. Doadeure is môord nie uutgeslootn.

Willem is begroavn in de kathedroale van Winchester (Winchester Cathedral) en Hendrik volgdeg’ hem ip.

Wikimedia Commons