Monte Porzio Catone

Van Wikipedia
Naar navigatie springen Naar zoeken springen
Itoalië Monte Porzio Catone
Coats of arms of None.svg
Map of comune of Monte Porzio Catone (province of Rome, region Lazio, Italy).svg
Monte Porzio Catone binn'n de metropolitoane stad Rome
Regio Lazio
Provinsje Rome Ôofdstee
(metropolitoane stad)
Coördinoatn 41°49′NB 12°43′OL
Ippervlak 9,13 km²
Inweuners

Bevolkiengsdichtheid

8720 (2017)
955 inw./km²
Postcode 00078
Website Officieeln site van
Monte Porzio Catone


Monte Porzio Catone es en Italioansche gemêente binn'n de metropolitoane stad Rome Ôofdstee in de regio Lazio. 't Ligt o de zuudôostkantn van Rome zelve, ip apeupri 20 kilomèiters van't center van Rome, in d'Alboanse Euvels.

De gemêente kreeg zyn uudige noame in 1872 deur't bysmyttn van 't achtervoegsel "Catone" vo nie te verwarrn mè de plekke Monte Porzio in de provinsje Marche.

Zicht ip Monte Porzio Catone

Liggienge[bewerkn | brontekst bewerken]

Monte Porzio Catone grenst an de gemêentn Frascati, Grottaferrata, Monte Compatri en an 't stad Rome zelve.

De gemêente bestoat uut elf wykn en gehuchtn (frazioni): Armetta, Camaldoli, Fontana Candida, Massarosa, Monte Ciuffo, Pilozzo, Pratone-Belvedere, San Marco, Selve di Mondragone, Suore Domenicane di Betania en Villa Vecchia.

Beziensweirdigeedn[bewerkn | brontekst bewerken]

D'n Illign-Gregoriuskerke
  • D'n Illign-Gregoriuskerke (Chiesa di San Gregorio Magno), lokoal ôok gekend lyk "il duomo di Monte Porzio", wierd gebouwd deur Carlo Rainaldi in 1666 en wos per testament ipgedroagn deur paus Paulus V ter êere van paus Gregorius XIII.
  • 't Eremietnklôoster van d'orde van de Camaldoleezn (en ounderdêel van de Benediktynsche familje) es ipgericht in 1607 deur de monnikn van de Monte Corona.
  • 't Sterrnkundig oberservatorium van't stad Rome ligt ip apeupri twêe kilomèiters van't center van Monte Porzio Catone. 't Wierd gebouwd tusschn 1939 en 1965. 't Ligt vlakby de restn van nen Romeynschn villa, de "Villa Matidia", uut d'n êestn êeuwe noa Christus.
  • Wa mêer noa't zuudn toe, richtienge Frascati en Grottaferrata, liggn de ruïn'n van't antieke Tusculum, wa in de Klassiekn Oudeyd gekend wos lyk 't zomerbuutnverbluuf van rykke Romein'n.
  • In Monte Porzio Catone liggn der ôok teffrente villa'ts van sjieke familjes uut de streke van Rome:
    • Villa Parisi-Villa Taverna-Borghese
    • Villa Vecchia
    • Villa Mondragone
    • Palazzo Borghese di Monte Porzio Catone
Wikimedia Commons