Monte Compatri

Van Wikipedia
Naar navigatie springen Naar zoeken springen
Itoalië Monte Compatri
Coats of arms of None.svg
Map of comune of Monte Compatri (province of Rome, region Lazio, Italy).svg
Monte Compatri binn'n de metropolitoane stad Rome
Regio Lazio
Provinsje Rome Ôofdstee
(metropolitoane stad)
Coördinoatn 41°48′NB 12°44′OL
Ippervlak 24,57 km²
Inweuners

Bevolkiengsdichtheid

12.130 (2018)
493,69 inw./km²
Postcode 00077
Website Officieeln site van Monte Compatri


Monte Compatri es en Italioansche gemêente binn'n de metropolitoane stad Rome Ôofdstee in de regio Lazio. 't Ligt o de zuudôostkantn van Rome zelve, ip apeupri 20 kilomèiters van't center van Rome, in d'Alboanse Euvels.

Zicht ip Monte Compatri

Liggienge[bewerkn | brontekst bewerken]

Monte Compatri grenst an de gemêentn Colonna, Grottaferrata, Monte Porzio Catone, Rocca di Papa, Rocca Priora, San Cesareo, Zagarolo en an 't stad Rome zelve. De gemêente eit vuuf wykn en gehuchtn (frazioni): La Cucca, Laghetto, Molara, Pantano Borghese en Pratarena.

't Center van Monte Compatri ligt ip 'n euvel van 571 mèiters, wa mêer o de zuudkantn van de gemêente, an den nôordkant van d'Alboanse euvels. Den nôordkant van de gemêente, en surtout de wyk Laghetto die wa ofgesneed'n es van de reste van Monte Compatri, ligt hil wa lêeger en sluut mêer an by d'uutgebreyde agglomeroasje van Rome. Ôok o de nôordkantn van Monte Compatri, in de wyk Pantano Borghese, ligt 't stoasje Monte Compatri-Pantano, wa 't begun es van lynne C van de metro van Rome (de groene lynne).

In den Oudeyd zo ier de plekke Labicum ofte Labici geleegn ein, ôorsprounkelyk e kolonie van d'olf-legendoarische stad Alba Longa, die loater van tyd lid wos van de Latynsche Liga. In de Romeynschn tyd passeerde iere de Via Labicana die ier ôok en afsluutienge makte mè de Via Latina. In de wyk Laghetto lag de Romeynsche plekke Gabii.

't Klôoster van Sint-Silvester

Beziensweirdigeedn[bewerkn | brontekst bewerken]

  • D'Ouze-Lieve-Vrouwe-ten-Hemelipneemiengekerke (Chiesa di Santa Maria Assunta in Cielo), gebouwd tusschn 1630 en 1633 in ipdracht van kardinoal Scipione Caffarelli-Borghese.
  • 't Klôoster van Sint-Silvester
  • De San Michele Arcangelo-kerke
  • De San Lorenzo-kerke in Laghetto
  • 't Palazzo Borghese, wa nu 't staduus es
  • 't Palazzo Annibaldeschi
  • 't Palazzo Altemps
  • 't Palazzo Passavanti
  • 't Castello della Molara
  • In de wyk Laghetto ligt d'archeologische site van 't vroegere Gabii.
Wikimedia Commons