Ofgeknotte goaper

Van Wikipedia

Den ofgeknotte goaper (Mya truncata) is e twêekleppige wêekbêeste uut de familie van de Goapers (Myidae).

De schelpn kunn 7 cantimeter grôot kommn. Ze trekkn ip strangegoapers (Mya arenaria), moa ze zyn mêestal klèinder en minder lankwerpig. Ze zyn ofgeroend an 't vôornste uutende en ofgeknot an 't achterste, met e grôte openienge woar dat de sifong deure kan, die vier kêers de lengte van de schelpe kan kommn. De sifong hè klêene tentoakels an 't uutende. De buutnkant van de schelpe is witachtig en bedekt mè groeilynnn. De buutnste loage (periostracum) kan gilwe, licht olyfgroen of doenkerbruun zyn.

Ofgeknotte goapers zyn te viendn in 't westelik dêel van de Baltische Zêe, de Nôordzêe en den Europeeschn Atlantischn Oceoan toet de Golf van Biskaje.

Wikimedia Commons