Oregano

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Oregano (Origanum vulgare), ook wilde marjoleine of poaliengkruud genoemd, is e kruudachtige vaste plante van de lipblommefamilie (Lamiaceae).

't Is ofkomstig van 't Middellansche-Zeegebied. Hoe meer zunne de plante krygt, hoe meer aroma.

Kenmerkn[bewerkn | brontekst bewerken]

Oregano is e struukvormig kruud die 60 cm hoge kan kommn en styf vele bloarn droagt. De vele eyvormige, spitse bloarn wordn 1-4 cm lank. De klokvormige blommekelkn zyn bleekroze toet wit.

Mythologie[bewerkn | brontekst bewerken]

Oregano zou deur de Grieksche godinne Aphrodite toet symbool gemakt zyn vo de vrede. Trouwers kreegn e kranse van oregano en loater wierd 't kruud gebruukt vo te verzeekern dat de liefde zou bluuvn bestoan.

Geneeskunde[bewerkn | brontekst bewerken]

Oregano helpt teegn diarree en moagzeer. 't Bevordert den hoenger en 't zoudt helpn by moend-en keeloentsteekiengn. Oregano hèt oentsmettnde en antibacteriële eygnschappn die surtout by hoestn en andoeniengn van de luchtweegn van passe kommn.

Keukn[bewerkn | brontekst bewerken]

Oregano smakt kruudig, e bèetje zoete en fris. 't Is 't klassiek kruud vo pizza's en pasta mè fruutige en kruudige sausn. 't Past ook goed by groensels lyk aubergines, courgettes en paprika's, moar ook by petattegerechtn en vlees van zwyns en runders.

Oregano is gedroogd of ves te krygn. Gedroogde oregano hèt e styf sterke geure. 't Goa styf goed t'hope mè rozemareyn en tym. In Mexico wordt oregano gemiengeld mè chilipoeier vo chili con carne te kruudn.

Wikimedia Commons