Oudejoar

Van Wikipedia
Vierwerk

Oudejoar is de latstn dag van 't joar. By ons is da den êenendertigstn december, lik in hêel de Westersche weireld, mor in andre cultuurn, lik de Azioatische, den orthodoxn en de islamitische, volt oudejoar ip andre daagn omda under Nieuwjoar ip een andren dag volt of by ons.

Oudejoar wor serieus gevierd mè vele eetn, champagne drienkn en dansn toet da 't were kloar is. Woa da Kestdag mêer een familiefêeste is, wordt oudejoar mêer buutn uus gevierd. Os 't byna middernacht is begint iederêen ton af te telln en ten twoalven 's nachts wenst iedrêen ton mekoar een gelukkig nieuwjoar en geevn ze tottn an mekoar. Vanuut Olland komt mêer en mêer de traditie overgewoaid vo ton ook vierwerk af te steekn.

In Olland is 't de traditie vor met oudejoar oliebolln t'eetn.

Ip oudejoarsdag wordt in Sao Paulo in Brazilië de San Silvestermarathon geloopn, den oudste marathon van da kaliber. Ze noemt azo omda 31 december de fêestdag is van Sint Silvester, de paus die volgenst de legende in 317 een drake vangdige.