Ourthe
De Ourthe (Woals: Aiwe d' Oûte, Duuts: Urt) is 'n 165 kilometer lange riviere in de Woaln. 't Is e zyriviere van de Moas.
De Ourthe oentspringt ip twêe plekkn in 't zuudôostelyk dêel van de Belgische Ardenn. De westelykn tak is de 53 km lange Ourthe Occidentale met de bronne by 't dorp Libramont. Den ôostelykn tak is de 46 km lange Ourthe Orientale met de bronne in Ourthe, e gehucht dichte by de Luxemburgsche grenze.
De twêe bronriviern vloein t'hope in Nisramont. Vanof da punt toet La Roche-en-Ardenne wordt de riviere Boovn-Ourthe (Haute-Ourthe) genoemd. 't Overige traject toet de uutmoendinge in de Moas in Luuk noemt Beneedn-Ourthe (Basse-Ourthe).
-
Soamnvloeiinge van Ourthe Occidentale (West) en Ourthe Orientale (Ôost) -
De Ourthe by Rendeux -
De Ourthe in Durbuy
|
Ofbeeldiengn die ier by passn ku je vien in de categorie Ourthe van Wikimedia Commons. |