Pedro Henriquez de Acevedo

Van Wikipedia
Pedro Henriquez de Acevedo
15601610
Landvoogd van de Spoansche Nederlandn
Periode1595 – 1596
VôorgangerErnst van Oostnryk
IpvolgerAlbrecht van Oostnryk
Pedro Henriquez de Acevedo, groaf van Fuentes

Don Pedro Henriquez de Acevedo, groaf van Fuentes (Valladolid, 18 september 1560 - Milaan, 22 juli 1610) was e Spoanschn generoal en stoatsman.

Zyn leevn[bewerkn | brontekst bewerken]

Henriquez was Page an ‘t of van Filips II van Spanje. Je makte z’n eeste veldtocht mee ounder ’t bevel van z’n schôonvoader, d’n ertog van Alva. In 1589 vocht ’n mee vô Lissabon teegn d’Ingelsche troepn ounder ’t bevel van Francis Drake.

In 1591 kwamt ’n noa de Spoansche Nederlandn ter vervanginge van Alexander Farnese. Je bleef ôok nog ounder Peter Ernst von Mansfeld en Aartsertog Ernst van Oostnryk vor under t’assisteern en van 1595 tout 1596 wast ’n zelve landvoogd van de Spoansche Nederlandn. Je veroverde Cambrai binst d’n oorlog teegn Frankryk en doarom benoemdege Filips II em in 1598 tout ipperbevelebber van de Spoansche troepn en Roadgever van Stoat en Oorlog.

Van 1600 wast ’n gouverneur van Milaan en z’n diplomatie en slim besteur goavn em e goeie reputoatîe.