Pepeyn de Kortn

Van Wikipedia
Pepeyn de Kortn
714-768
Pepeyn de Kortn
Hofmeier van Neustrië
Periode741-751
VôorgangerKarel Martel
Ipvolger-
Hofmeier van Austrasië
Periode747-751
VôorgangerKarloman
Ipvolger-
Keunienk van de Frankn
Periode751-768
VôorgangerChilderic III
IpvolgerKarel de Grôotn & Karloman
VoaderKarel Martel
MoederRotrude (Chrotrud) van Trier
De latste Merovienger (Évariste-Vital Luminais (1822-1896), Musée des beaux-arts, Carcassonne)

Pepeyn III, bygenoamd de Kortn of de Joungern (Jupille-sur-Meuse, 714 - Saint-Denis, 24 september 768) was e zeune van Karel Martel en Rotrude van Trier en de voader van Karel de Grôotn.

Je was:

De hofmeiers[bewerkn | brontekst bewerken]

De Pepinidn woarn hofmeiers ounder de Meroviengische keuniengn, êest in Austrasië en loater in Neustrië en Bourgondië.

In 687 veroverde den hofmeier van Austrasië, Pepeyn van Herstal, Neustrië en Bourgondië in de Slag by Tertry. Zyn ounwettige zeune Karel Martel (Pepeyn de Kortn ’s voader), volgde zyn voader ip en de Karoliengers zyn loater achter hem genoemd.

Achter den dôod van Karel Martel in 741, wierd zyn titel van hofmeier volgns de Frankische traditie verdêeld ounder zyn zeuns. Den oudstn, Karloman, kwam hofmeier van Austrasië en krêeg Alemannië en Thuriengn, en Pepeyn kwam hofmeier van Neustrië mè Bourgondië en de Provence. Grifo, Karels Martels zeune by zyn twidde vrouwe Swanahilde, vroeg ook zyn dêel, moa je wierd gevangn gezet deur zyn halfbroers.

In 747 trok zyn broere Karloman hem were in e klôoster in Italië en stound ’n zyn dêel of an Pepeyn, die azo leider van hêel ’t Frankisch ryk kwam, mè den titel dux et princeps Francorum. Dien titel kwam van zyn grôtvoader Pepeyn van Herstal.

De Meroviengische keuniengn trokkn hunder nieks mèr an van ‘t regeern en z'haan e luxeleevn. ’t Ênigste dan ze nog mostn doen was nu en ton hunder handtêekn zettn. Ze wierdn in die periode Vadsige keuniengn (rois fainéants) genoemd. Keunienk Childeric III wierd uutgelachn deur ’t volk en Pepeyn, die nog ounder hem stound, probeerde nu olles te doen vo van hem of te geroakn.

Round 750 schrêeft ie noa paus Zacharias vo te vroagn wien dat er eigentlik keunienk most zyn: dendeen die den titel droeg of dendeen die de feitelikke macht haad. Pepeyn krêegt de steun van den paus en in november 751 zettegt ie Childeric III of en liet ie hem uutroepn tout keunienk van de Frankn.

Achter da Childeric III ofgezet was wierd zyn lang hoar, ‘t têekn van macht by de Frankn, ofgeschoorn en wierd ’n vo de reste van zyn doagn gevangn gezet in ‘t Saint-Bertinklôoster by Saint-Omer. Je was de latste Merovienger en d’er kwam ook ’n ende an den titel van hofmeier.

Pepeyn de Kortn was de stichter van de Karoliengers, die de Meroviengische dynastie ipvolgdn, en zyn voader Karel Martel was de noamgever.

Je trouwde mè Bertrada van Laon, ook wel Bertrada met de grôte voetn genoemd.

Hunder jounges:

Hunder andere jounges: Pepeyn, Chrothais, Adelais, en nog twê dochters zyn ollemolle jounk gestorvn.

Pepeyn stierf in Saint-Denis en je ligt doa begroavn neffest zyn vrouwe Bertrada van Laon. Je wierd ipgevolgd deur zyn zeuns Karel en Karloman. Achter Karlomans dôod in 771 kwam Karel (de Grôotn) ollêne keunienk van ‘t Frankisch Ryk.

Wikimedia Commons