Sep Vanmarcke

Van Wikipedia
Sep Vanmarcke
Persoonlikke informoatie
Noame Sep Vanmarcke
Gebortedoatum 28 juli 1988
Geborteplekke Kortryk, België
Lengte189 cm
Specialisoatieanvoller, nôordelikke klassiekers
Ploegen
Ploeg van nuEF-Drapac
Ploegen van toun
2009-2010

2011-2012
2013-2014
2015-2016

2017
Topsport Vloandern

Team Garmin
Belkin Pro Cycling
Team LottoNL-Jumbo

Cannondale Drapac
Portoal Sport

Sep Vanmarcke (28 juli 1988, Kortryk) es nen West-Vlamschn coureur die nu in Woaregem weunt. Zyn specialiteit zyn de nôordelyke veurjoarsklassiekers.

Carrière[bewerkn | brontekst bewerken]

Vanmarcke ree by de beloftn by't continentoale team Jong Vlaanderen-Bauknecht. Ip 1 oest 2009 kreeg 'tem e profcontract van Topsport Vlaanderen-Mercator en e den dag achter't têeken'n van zyn êeste profcontract wierd em ol derekt achtstn in e massaspurt in de Sparkassen Giro, die gewonn'n wierd deur Mark Cavendish. Loatr in da joar ree tie nog êenigte schôone plekkn, lyk e zesde plekke in't Kampioenschap van Vloandern en ree tie mee inde ploege van't Weireldkampioenschap vo de gastn ounder de 23 joar te Mendrisio.

Achter e goe wintersezoen 2009-2010 ree 't em vo ne joenge gast van 21 in 2010 e goe veurjoar me ounder and're e derde plekke in de "Ronde van het Groene Hart" en e twidde plekke in de klassieker Gent-Wevelgem achter Edvald Boasson Hagen. Loatr in 2010 volgdn der nog ereplekkn ounder and're in de Vierdoagsche van Duunkerke, den Eneco Tour, de Grand Prix de Wallonie, 't Circuit Franco-Belge en Parys-Tours.

In 2011 gingtie rydn vo de World Tour-ploege Team Garmin-Cervélo. In 2012 kwam zyn deurbroake me zyn êestn oovrwinnienge by de profs in den Omlôop Het Nieuwsblad.

In 2013 dee tie nen transfer na den ipvolger van de Rabobankploege, Blanco Pro Cycling (wa derachter ernoemd wierd na Belkin Pro Cycling). In da joar dee tie zyn tot nu toe grôotste prestoasje me en twidde plekke in Parys-Roubaix 2013. Je ree ton tegoare me Fabian Cancellara na de strepe ip de veloboane van Roboais, woar em versloagn wierd in de sprint.

In 2014 reed 'n vrêe goe, mo ne koest gêen grôotn vis an d'n oak slaon; ne wos teffrende kêers de vierdn (ounder and're in d'n Omlôop 't Nieuwsblad, Gent-Wevelgem en in Parys-Roubaix). In de Rounde van Vloandern wost 'n derdn achter Fabian Cancellara en Greg Van Avermaet.

Belangrykste oovrwinniengn[bewerkn | brontekst bewerken]

2008

  • 2e etappe Rounde van Vlams-Broabant

2009

  • Challenge de Hesbaye
  • Trognée-Hannut
  • 1e etappe Rounde van de Haut-Anjou (U23)
  • 2e etappe Rounde van Vlams-Broabant

2010

  • Bergklassement Vierdoagsche van Duunkerke
  • Puntnklassement Circuit Franco-Belge

2012

  • Omlôop Het Nieuwsblad

2013

  • Verrebroek-Beevern
  • Grôotn Prys Impanis-Van Petegem

2014

  • 3e etappe Rounde van Noorweegn
  • 3e etappe Rounde van Alberta

2016

  • 4e etappe Ster ZLM Toer
  • Endklassement Ster ZLM Toer

2017

  • Puntnklassement Rounde van Ôostnryk

2019

  • 1e etappe Rounde van de Haut-Var
  • Bretagne Classic

Externe koppelienge[bewerkn | brontekst bewerken]