Sinte-Pieterskerke (Leuven)

Van Wikipedia
Naar navigatie springen Naar zoeken springen
De Sinte-Pieterskerke van Leuven: westkant
Kant van de mart: koor en zuudtransept

De Sinte-Pieterskerke van Leuven is e kerke in Brabantse gotiek uut de 15ste êeuwe in witte zandstêen. De kerke hèt e gotisch koorkoorommegank en zeevn stroalkapelln.

Vodien stound er e Romoansche kerke die verzekers gesticht is in 986 en ofbrandege in 1176. Der kwam ton e nieuwe Romoansche kerke met e crypte achter 't koor.

Van 1410 tout in de 17ste êeuwe ist er an de gotische kerke van nu gebouwd deur verschillige architectn. Sulpicius van Vorst hèt er an gewerkt tout an zyn dôod in 1439 en loater Jan II Keldermans en Matheus de Layens. 't Gebouw is nôois hêlegans ofgewerkt. Van de drie torrn die vorzien woarn an de westkant, woavan één van 170 meter hoge, bluuvn nu nog moa de torrebasissn over. In 1541 wierd er gestopt met de werkn omdat den ounderground nie stabiel genoeg was. Achter e poar instortiengn is de torre in 1613 verlêegd tout 't niveau van nu.

Binst de twè weireldoorloogn is de kerke zwoar beschoadigd gewist. In 14-18 wast er e zwoare brand en vele kerkschattn zyn der in gebleevn. In 40-45 is de kerke gebombardeerd.

Beziensweirdigheedn[bewerkn | brontekst bewerken]

  • Drieluuk van Dieric Bouts Het Laatste Avondmaal uut de 15ste êeuwe en ‘t schilderye Het martelaarschap van de H. Erasmus in de schatkoamer
  • Gotische sacramentstorre (1450), bewoarplekke van de hosties, ountworpn deur Matheus de Layens
  • Crypte van de Romoansche kerke
  • Doopvounte (circa 1490)
  • Barokke prèkstoel (1742) van Jacob Bergé, ofkomstig uut de kerke van de Premonstratenzerabdye van Ninove en sedert 1807 in de Sinte-Pieterskerke van Leuven. De beeldngroep ounder de kupe stelt de bekêrienge van den hèilign Norbertus vôorn.
  • Grafmonument van Hendrik I van Brabant in 't hoogkoor en 't dubbelgraf van Machteld van Vloandern, zyn vrouwe, en Maria van Brabant, hunder dochter.
  • Beeld van Onze-Lieve-Vrouwe mè kiend, Sedes Sapientiae (1442) deur Nicolaas de Bruyne. De Sedes Sapientiae stoat sedert 1909 ook in 't zegel van de Katholieke Universiteit Leuven.
  • Verzoamelienge religieus zilverwerk

An de patrôonhèilign van de kerke hèn de Leuvenoars hunder lapnoame Peetermannen te dankn.

Externe koppelienge[bewerkn | brontekst bewerken]

Wikimedia Commons