Stoofstroate

Van Wikipedia
Naar navigatie springen Naar zoeken springen
Dat artikel es oorsprounkelik geschreevn in 't Noordelik West-Vlams.

't Mêest bezochte Brugsche stêegsje.

De Stoofstroate is e stratje in 't êrte van Brugge. De Stoofstroate lopt in elleboogevorm van de Katelynestroate no 't Walpling.

Geschiednisse[bewerkn | brontekst bewerken]

Stoofstroatn woarn dr by de vleete in 't Brugge van de 14ste-15ste êewn. 't Was de gloorjetyd van de "badstoovn", mêesta oerekotjes, die an d' internasjonoale populoasje in Brugge oentspannienge en gekruud plezier bezorgdn.

Apeupri aal die stroatn krêegn in de loop van de tydn 'n andre noame. Allêene d' ier vermelde Stoofstroate blêef d' ôorsproenklikke noame bewoarn.

Vor uut te leggn oovr wukke stroate dat zjuuste gienk, wierdr mêesta verduudlikt : de Stove bachten Walle, neffnst 't Walpling.

In de twiddn êft van de 20ste êewe wierd die verloatn stêege oentdekt deur de toeriestiesche nyvreid en in de wandlroete ingeschoakld, mê verschillnde kommêrsjes die ip de toeriestn zyn ofgestemd.

E bitje voddr kykn[bewerkn | brontekst bewerken]

  • (nl) Schouteet Albert 1947 : De Stoofstraat, in : Brugsche Courant, 14 juni.
  • (nl) Schouteet Albert 1977 : De straatnamen van Brugge. Oorsprong en betekenis, Brugge, ISBN 9789062675036.
  • (nl) Dupont Guy 1996 : Maagdenverleidsters, hoeren en speculanten: prostitutie in Brugge tijdens de Bourgondische periode (1385-1515), Brugge, ISBN 9789069661117.