Vienkezettieng

Van Wikipedia
Naar navigatie springen Naar zoeken springen

E vienkezettieng is e wedstryd woaby da eigenoars van vienkn optêekn oevele kêers da nunder veugel schufelt. 't Is e sport die redelik populair is in West-Vloandern, in 't bezounder by gepensioneerde menschn.

Oe goat et in ze werk?[bewerkn | brontekst bewerken]

D'eigenoars (vienkeniers) zettn nunder kôoitje mi nunder vienke (e mannetje) geweune op stroate. Idder ki da de vienke ze typies liedje schufelt (suskewiet) meug je e striptje zettn mi kryt op e stok. Let wel: de vienkeniers controleern ossan de vienke van nunder gebeur; nôois van nunder zevve. 'n Veugel die achter e bepoaldn tyd 't mêest eschufeld et, wint.

De pryzn zyn belange ni zo grôot lik by de duvesport: tien euro winste is ol vele geld.

Geschiedenisse[bewerkn | brontekst bewerken]

Volgens geschiedsschryvers bestoat de sport zekers ol sedert 1595: d'r zyn spôorn van e vienkezettieng in Yper. In 't begun woarn de kôoin moa klêne ('kattebete' noemnde ze). Moa nu zyn d'omstandigeedn styf verbeterd. Vroeger, toen da de menschn nog ni zo styf begoan woarn mi de bêestjes, duvnde ze nunder vienke oek blend moakn: azo wos'n miender ofeleid. Dat is verboodn sedert 1916, deur de Duutschers. Die martelieng wos ten ander ni nôdig: de kôoi e bitje dounkerder moakn is ol enoeg om 'n veugel te doen schufeln.

Achteruutgang[bewerkn | brontekst bewerken]

D'r zou nog mêer of 20.000 vienkezetters zyn, moa de sport is an 't achteruutgoan: letter jounge gastn zettn de tradisje vodder. Verzekerst ouk om da je 's zundag 's nuchters styf tielik moet ipstoan: dikkers moe je ol round 7u30 inschryvn a de zettieng begunt 't neegn.

Museum[bewerkn | brontekst bewerken]

D'r bestoat in hêel de weireld moar êen Vienkemuseum. Da stoat in Ulste (dêelgemêente van Oarelbeke).

Externe koppeliengn[bewerkn | brontekst bewerken]