Wespachtign

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

De wespachtign (Vespoidea) zyn e superfamielje van de orde vliesvleuglign uut de klasse van d' insektn, aloewêl da oedre taksonoomiesche ipvattiengn kunn verschilln in undre indêelienge, in 't byzoendre oovre undre êrkennienge van e teegnwôordig vervolln superfamielje Scolioidea. De leedn van die groep zyn gekend lik wespn en miern. Dr zyn nog andre superfamielje woavan da ze de sôortn ook wespn êetn.

De bekendste vertêegnwôordigr van die groep is den ussel of geweune wespe (Vespula vulgaris). Die is gilwe-zwart gestript en beôort by de papierwespn (Vespinae). Mo de superfamielje ê nog veele mêer families van allêene-leevnd toe sosjoal en van spesjaliest toe alleseetre. Ook 't voedsle vo de larvn ku varjeern van plantoardig materjoal toe dierlik lik vermoaln insektn of leevnde prôoje, sommigte sôortn worden zeifs gevoed deur undre larvn.

Veele sôortn wespn vangen leevnde insektn en andre oengewerveldn vor undre zeive en de larven te voedn. Koloonjevormnde sôorten die 'n nest moaken kown die fyn, woanoa 't paptje an de larven gegeevn wordt. Dr zyn ook sôortn die leevnde prôojn vangn, den deezn nor 'n ol of broedcelle briengn en 'n eitje by de verlamde prôoje ofzettn. De uut 't ei gekropn larve it tonne de prôoje leevnde ip. De keevredôodrs joagn ip keevrs, dolkwespn vangn verschillnde prôojn en de kobbedôodrs joajn uutsluutnd ip kobbn.

Famieljes[bewerkn | brontekst bewerken]

  • Armaniidae [1][2] - uutgestorvn wespachtign
  • Bradynobaenidae
  • Chyphotidae
  • Formicidae - miern
  • Mutillidae - fluuwêeln wespn
  • Myrmosidae
  • Pompilidae - kobbewespn
  • Rhopalosomatidae
  • Sapygidae
  • Scoliidae
  • Sierolomorphidae
  • Thynnidae
  • Tiphiidae
  • Vespidae - papierwespn
Wikimedia Commons

Verwyziengn[bewerkn | brontekst bewerken]

<references>

  1. (en) Brothers D.J. 1999 Phylogeny and evolution of wasps, ants and bees (Hymenoptera, Chrysisoidea, Vespoidea, and Apoidea), Zoologica Scripta, 28, pp. 233–249
  2. (en) LaPolla J.S.; Dlussky G.M.; Perrichot V. 2013 : Ants and the Fossil Record, Annual Review of Entomology, pp. 609-630