Woaterlandkerksje

Van Wikipedia
Holland Woaterlandkerksje
Waterlandkerkje



Woaterlandkerksje in de gemêente Sluus
Provinsje Zêeland
Gemêente Sluus
Coördinoatn 51°19′NB 3°33′OL
Ippervlak km²
Inweuners 517 (2023)

Gemêente Sluus in Zêeuws-Vloandern

Woaterlandkerksje (Zêeuws: 't Kerkje, Nederlands: Waterlandkerkje) is 'n dorp in de gemêente Sluus, in d' Hollandsche provinsje Zêeland. 't Dorp ligt an de boane Ôostburg-Yzendyke (N676), en 't hè oungeveer 500 inweuners (2023).

Woaterlandkerksje is in de streke surtout bekend deur de vele kerkconcerts en de "Meerminnefêestn", die ieder joar deuregoan in 't weekend achter Sienkschn.

Geschiedenisse[bewerkn | brontekst bewerken]

Woaterlandkerksje is oentstoan in 1669 lik e vestigienge roend e kerke en 't gehucht wierd 't Kerksje genoemd. In 1796 kreeg 't dorp de noame Woaterland, moa roend 1820 is de noame veranderd in Woaterlandkerksje vo nie te missn mè 't Belgisch dorp Woaterland-Oudeman da vuuf kilometer zudeliker ligt in 't Meetjesland.

De joarn tjestig van de 20e êeuwe woarn moeilike tydn vo 't dorp. Vele joenge menoages wildegen der nie bluuvn en veel oude huuzn wierdn verkocht vo buutnverbluuf. Achter 1970 kwam de zelfstandige gemêente Woaterlandkerksje by Ôostburg en wierdn der were nieuwe huuzn gebouwd en d' industriezone wierd uutgebreid. Deur de gemêentelike herindêlienge in 2003 is de gemêente Ôostburg ton were ipgegoan in de gemêente Sluus.

Meerminne[bewerkn | brontekst bewerken]

In 't woapn van Woaterlandkerksje is ter e zêemeerminne ofgebeeld, e verwyzienge noar e sage die goat over 't dorp. E visscher uut Ôostburg vangdege e zêemeerminne in zyn nett'n, achter dat 'n e hêeln dag gevist had zoender succes. Ze vroeg hem van heur osjeblief were te loatn kêern noa de zêe, moa de visscher wildege geld an heur verdien'n deur met heur ip de mart in Ôostburg te goan stoan. Moa der kwam juste e voerman uut Woaterlandkerksje verby die alles gezien ha. Je liep ter noa toe, smeet de visscher in 't woater en liet de zêemeerminne los, die oender woater dook en wegzwom. Intusschn woarn der boern en werkvolk ip d' astrabansje ofgekommn die in de kotee an 't werk woarn. Al met e ki verschêen de meerminne were, ze noemdege Hildegonda, en ze sprak e toekomstvôorspellienge uut: Woaterlandkerksje zou nog lange e klêen dorp bluuvn, moar ip 'n dag zoun d' inweuners 't dorp in êendracht toet groei en bloei briengn. Doarachter gienk ze der van deure en niemand hè Hildegonde nog weregezien.

Woapn en vlagge[bewerkn | brontekst bewerken]

Ip 't woapn van Woaterlandkerksje stoat er zêemeerminne die uut groen-witte boarn komt en ip e goudn hoorne bloast, e verwyzienge noa de sage over de meerminne Hildegonda. 't Schildhoofd is in 't zilver, met e blauwe letter W.

De vlagge bestoat uut drie horizontoale striepn van blauw, wit en groen, de kleurn van 't woapn.

Externe koppeliengn[bewerkn | brontekst bewerken]

Wikimedia Commons