Huus Luxemburg

Woapnschild van et Huus Luxemburg

Et Hillig Rooms Ryk van 1273–1378. Oranje: land van et huus Habsburg, purper: land van et huus Luxemburg, groen: land van et huus Wittelsbach

Et Huus Luxemburg was e Luxemburgs oadelik geslacht en e keuniengsdynastie, die van 1308 regeerde over et Hillig Rooms Ryk. De dynastie stamdeg of van ’n tak van et Huus Limburg, ook et Huus Luxemburg-Limburg genoemd.

Hendrik VII was den êeste Rooms-Duutsche keunienk en keizer van et Huus Luxemburg.

Zyn zeune, Jan van Luxemburg, trouwde met Elisabeth I van Boheemn, dochter van Wenceslaus II van Boheemn. In 1310 wierd Jan gekrôond tout keunienk van Boheemn. Zyn zeune, Wenceslaus I van Luxemburg was den êestn hertog van Luxemburg. Je volgde zyn broere Keizer Karel IV in 1353 ip in et groafschap Luxemburg.

D’ heerschappye van de Luxemburgers wierd twi kès ounderbrookn deur de Wittelsbachs.

Met den dôod van keizer Sigismund stierft de dynastie uut en ze wierdn ipgevolgd deur de Habsburgers.

Geschiedenisse

Den êeste groaf van Luxemburg was Siegried I (963-998).

Deurda Konrad II (1106-1136) stierf zounder jounges, gieng zyn groafschap no zyn tante Ermesinde I, die getrouwd was mè Godfried van Noamn. Doadeure was d’oudste Luxemburgsche dynastie uutgestorvn en begost de dynastie: Luxemburg-Noamn.

Gravinne Ermesinde II van Noamn en Luxemburg (1186-1247), dochter van Hendrik IV van Luxemburg, trouwde in 1214 met hertog Walram III van Limburg. Met hem begost de dynasty: Luxemburg-Limburg.

Belangryke leedn van de dynastie:

• Hendrik VII (1262-1313)
• Jan van Luxemburg (1296-1346) - Zeune van Hendrik VII. Keunienk Jan I van Boheemn.
• Keizer Karel IV (1316-1378) - Zeune van Jan. Keizer van et HRR.
• Jobst van Moravië (1351-1411) – Neve van Karel IV. Rooms-Duuts keunienk.
• Wenzel (1361-1419) - Zeune van Karel IV. Keizer van et HRR.
• Sigismund (1368-1437) - Zeune van Karel IV. Keizer van et HRR. Keunienk van Boheemn, Hongareye en Krowoatië.
• Elisabeth II van Boheemn (1409-1442) - Dochter van Sigismund. Deur te trouwn mè den Habsburger hertog Albrecht V van Oostnryk, Rooms-Duuts keunienk Albrecht II, droeg ze ’t grotste stik van heur Luxemburgs erfdêel over no ‘t Huus Habsburg.

Kykt ook no de Lyste van Rooms-Duutsche keuniengn en keizers van et Hillig Rooms Ryk.