Lodewyk den Blendn

Van Wikipedia
Naar navigatie springen Naar zoeken springen
Lodewyk III
ca. 880 – 928
Armoiries Saint-Empire monocéphale.png
Rôomse keizer
Periode901 - 905
VôorgangerArnulf van Karinthië
IpvolgerBerengar van Friuli
Armoiries Provence.png
Keunienk van Lêger-Bourgondië
(Provence)
Periode887 - 928
VôorgangerBoso van Provence
IpvolgerHugo van Arles
Corona ferrea.png
Keunienk van Italië
Periode900 - 905
VôorgangerBerengar van Friuli
IpvolgerBerengar van Friuli
VoaderBoso van Provence
MoederErmengarde van Italië

Lodewyk den Blendn (ca. 880 – 28 juni 928) van de familie van de Bosoniedn en langs zyn moeder ook verwant met de Karoliengers, was keunienk van Lêger-Bourgondië of Cisjuranië (Provence) van 11 januari 887 tout an zyn dôod. Je was keunienk van Italië van 12 oktober 900 tout 905 en Rôomse keizer ols Lodewyk III tusschn 901 en 905. Je was de zeune van Boso van Provence en Ermengarde, dochter van keizer Lodewyk II van Italië.

In 900 wierd ie ols klêenzeune van keizer Lodewyk II gevroagd deur Italioansche eedeln, die nie content woarn van Berengar I, omdat 'n hem nie genoeg kost verweirn teegn de Magyoarn. Lodewyk kwam met e leger of over d'Alpn en je versloeg Berengar. In Pavia, de Lombardischn hoofdstad, wierd ie ip 12 oktober 900 in de kerke van San Michele gekrôond met d'yzere krône. Doar achter vertrokt ie no Rome, woa dat ie in 901 deur paus Benedictus IV gekrôond wierd tout keizer.

Mo Berengar vocht were en je versloeg Lodewyk zyn legers. Je dwoung hem van were te kêern no Provence en Lodewyk most beloovn dat ie nooit me zou were komn.

Mo Lodewyk brak ze woord en je viel Italië were bin'n in 905. Berengar verloeg hem in Verona. Je liet hem gevangn zettn en ip 21 juli 905 liet ie vo straffe zyn oogn uutstekkn.

Lodewyk kêerde were no zyn hoofdstad Vienne, woa dat Hugo van Arles, e klêenzeune van Lotharius II, zyn adviseur en regent kwam. Hugo verplatste den hoofdstad van Vienne noar Arles.

Achter ’n dôod van Lodewyk in 928 volgde Hugo hem ip ols keunienk van Lêger-Bourgondië.

Lodewyk (oranje), Berengar I (roze), Karel III (rôod), Konrad I (groen), Rudolf II (purper) (915)