Club Brugge is 't sezoeën 2008-2009 ip oengevëer dezelste manieër begost os 't sezoeën vodieën. Vó 't begun woaren de verwachtiengn ooge gespannen, want de latste drie sezoeën'n woarn gin ol te vetten. Juuste gelik 't sezoeën dervôorn stoend Club achter e poar spildagen ip d'êeste plekke, mo bleeëft do vandeki nie zo lange stoan. De reste van't sezoeën wieër vo Club e gevecht vor Europees foebol 't noste sezoeën. Toe ip de latste spildag eejt't gespannen voe de derde plekke, mor ip't latste nippertje kost Club, deur 't verlieës van AA Gent, weer over Gent no de derde plekke spriengen, achter dan ze een weke ip de vieërde plekke gestoan an.
Juuste gelik 't joar vodieën bleeëf Club in de Beejker van Belgie steejken in d'achste finale, vandeki uutgeschoakeld deur KSV Roeseloare.
Europees gerakte Club dit sezoeën e bitje verder of 't vôrige. Ze klopten YB Bern in d'êeste roende en gerakten in de groepsfase. Do braken ze wel gin potten en woarn achter drie draws en eeën verlieës uutgeschoakeld.
/
/
)
)
)
)