Geologische tydschoale

De geologische tydschoale es en chronologische indelienge van de ountwikkelienge van uze planete, d'eirde, in eoonn, era’s, periodes en tydvakkn.

Die schoale es gebaseerd up grote biologische en/of geologische veranderiengn. D’r zyn ol verschillige tydschoaln gepubliceerd gewist. ’t Es dus goe meugelik da j’in andere publicoaties andere noamn of dateriengn van de geologische tydvakkn goat zien stoane.

Joar geleen	Tydvak	Periode		Era	Eon	Belangrykste évènementn
Den tyd van nu	Holoceen	Quartair		Kenozoïcum	Fanerozoïcum	‘t Ende van den ystyd en d'upkomste van de beschoaviengn.
10.000	Pleistoceen					Uutstervn van de grote zoogdiern. Evolutie van den modernen miens.
1,6 Ma	Plioceen	"Tertiair"	Neogeen
5 Ma	Mioceen
23 Ma	Oligoceen		Paleogeen
38 Ma	Eoceen
55 Ma	Paleoceen
64,3 Ma		Kryt		Mesozoïcum ”Secundair”		Ogtepunt en oundergank van de dinosauriërs. Massoal uutstervn van Kryt-Tertiair. Primitieve placentazoogdiern.
146 Ma		Jura				Budelzoogdiern, eeste veugels, eeste bedektzoadigen (plantn mè bloemn).
208 Ma		Trias				Massoal uutstervn van Trias-Jura. Eeste dinosauriërs en eierleggende zoogdiern.
251,1 Ma		Perm		Paleozoïcum ”Primair”		Massoal uutstervn van Perm-Trias: 95% van ‘t leevn up d’eirde goat dood.
286 Ma		Carboon	Pennsylvanien			Enorm veel insektn, eeste reptieln, Carboon-busschn.
325 Ma			Mississippien			Grote primitieve boomn.
360 Ma		Devoon				Eerste amfibien, wolfsklauwn, voarens en voorlopers van blootzoadigen.
408,5 Ma		Siluur				Eeste fossiele landplantn.
443,5 Ma		Ordovicium				De oungewervelden domineern. Massoal uutstervn van et Ordovicium-Siluur.
490 Ma		Cambrium				Explosieve gruuj van et leven (Cambrische explosie). Massoal uutstervn van et Cambrium-Ordovicium.
545 Ma		Precambrium		Neoproterozoïcum	Proterozoïcum	Eeste meercelligen.
900 Ma				Mesoproterozoïcum
1.600 Ma				Paleoproterozoïcum		Eeste eukaryootn.
2.500 Ma				Archeïcum		Prokaryootn.
3.800 Ma tout 4.560 Ma				Hadeïcum		Ountstoan van d’eirde. Eeste sedimentaire gesteentes.