La Trappe (trappist)

Van Wikipedia
Naar navigatie springen Naar zoeken springen
Vuuf sôortn La Trappe: Blound, Dubbel, Wittn, Tripel en Quadruppel
E flosje La Trappe Isid'or

La Trappe es e trappistnbier uut Olland. 't Wierd sedert 1884 gebrouwn in brouwereye De Koningshoeven van d'abdeye Ouze-Lieve-Vrouwe van Koningshoeven in de plekke Berkel-Enschot, nie verre van Tilburg in Nôord-Broabant.

In tydde noemdigde de brouwereye "De Schaapskooi" mè da by 't ounstoan van d'abdeye in 1881 de êeste mèss'n wierd'n g'oudn in en oumgebouwde schoapskôoie. De noame La Trappe komt van't Fransche klôoster "La Trappe", woa da d'orde van de Trappistn is esticht.

Z'ein nen tyd de noame van trappist nie mêe meugn droagn mè da ze tôopewerkt'n mè commerciëlle brouwerey'n lyk brouwery Artois ('t uudige AB InBev) en Bavaria, mor sedert 2005 meugn ze van d'Internationoale Trappistnverêenigienge were 't logo van "Authentic Trappist Product" droagn.

Sôortn[bewerkn | brontekst bewerken]

La Trappe es d'n trappist mè 't mêeste verschilligte sôortn. Ze brouwn der ôok redelyk vele van en in goe cafés ol 'toenz'ns kun je zekers ôok êenigte sôortn La Trappe drinkn.

  • La Trappe Blond (6,5% alcool): goudkleurign bier mè skôon wit skuum, smakt licht zoete, zocht bitter.
  • La Trappe Dubbel (7,0% alcool): donkerbruun'n trappist mè ivoorkleurig skuum, smakt noar karamel en es ôok wa zoietig-fruutachtig.
  • La Trappe Tripel (8,0% alcool): goudblound'n tripel.
  • La Trappe Quadrupel (10% alcool): e goe zwoar dounker-amberkleurig bier mè crèmekleurig skuum, smakt licht noa doadel en karamel.
  • La Trappe Quadrupel Oak Aged (10% alcool): quadruppel die ze nen tyd gerypt èin ip êekn voatn, de smoake verskilt ollang et type vat woarin z'et gestookn ein en ezo smakt idder brouwsel lucht anders. D'n Oak Aged es wa moeilyker te krygn.
  • La Trappe Puur (4,7% alc. vol.): bio-bier, Lichtblound van kleur en smakt fris-hommelachtig.
  • La Trappe Witte Trappist (5,5% alcool): 't êenigste witbier die ôok trappist es in hil de weireld. Lichtblound, troebel en licht zurig gelyk da en witteke moe zyn.
  • La Trappe Bockbier (7,0% alcool): 't êenigste bockbier die ôok trappist es in hil de weireld. Kastanjekleurig mè beige skuum.
  • La Trappe Isid'or (7,5% alcool): amberkleurign trappist die ze in 2009 specioal gebrouwd ein ter êere van't 125-joarig bestoan van de brouwereye. 't Es vernoemd nor d'n êestn brouwer van d'abdeye, broeder Isidorus. 't Verkocht doanig goe da ze 't joar derachter en beslootn van 't te bluuvn brouwn.

Externe koppelienge[bewerkn | brontekst bewerken]


{{{ofb_links}}} De twoalf trappistnbiern {{{ofb_rechts}}} {{{ofb_groot}}}

AchelChimayEngelszellLa TrappeOrvalRochefortSpencerTre FontaneTynt MeadowWestmalleWestvleterenZundert