Chimay (trappist)

Van Wikipedia
Ga naar: Begunplekkn, zoeken
Verschillnde flosschn en e glas gevuld met Chimay Blow

Chimay is e trappistnbier die ebrouwn is in Scourmont in d'abdy va Forges-Les-Chimay. Buutn vier sôortn bier, moakn ze doar ouk eevnvele sôortn koas.

Sôortn[bewerkn | brontekst bewerken]

Bier[bewerkn | brontekst bewerken]

  • Chimay Rôod: komt in flosschn van 33 (met e rôod ulletje) en 75 (met e kork) cantiliter. De reuke dou peizn an abrikoozn. 't Et en alcoolpercentage van 7 groadn en 't gist e twidde kêe in de flossche. 't Is ebrouwn me geistemout, terwe, suker, gist, ommel en woater.
  • Chimay Tripel: ouk wel Wittn Chimay enoumd, komt in flosschn van 33 (met e wit ulletje) en 75 (met e kork) cantiliter. 't Et en alcoolpercentage van 8 groadn 't gist nog e twidde kêe in de flossche. 't Is e blound en amberkleurig bier en van smoake is 't zochte, e bitje zerp en e dominante druvesmoake. 't Is ebrouwn me geistemout, terwe, suker, gist, ommel en woater.
  • Chimay Blow: komt in flosschn van 33 (met e blow ulletje), 75 (met e kork) en 150 (magnum, met e kork) cantiliter. 't Zit 9 percent alcool in en de kleur is dounkerbruun. A 't flosseltje oopnedoan is, volln de reukn van vessche gist en rôozn up. De smoake is edomineerd deur fyne kruudn en karamelle. 't Is ebrouwn me geistemout, terwe, suker, gist, ommel en woater.
  • Chimay Dorée: blound toafelbier van 4,8 groadn met e goudn ulletje. 't Is oullêne te kope byn de trappistn zevve en in e erberge byn d'abdy.

Koas[bewerkn | brontekst bewerken]

  • Chimay Grand Classique: oofartn, geprestn koas met e romige en vulle smoake
  • Chimay Grand Cru: koas met e nateurlikke keste, zuver en zochte van smoake
  • Oudn Chimay: artn koas van vulle mek die te minste 6 moandn mou rypn
  • Chimay me bier: de nateurlikke keste is ewosschn me bier

Externe koppelienge[bewerkn | brontekst bewerken]


{{{ofb_links}}} De zeven trappistnbiern {{{ofb_rechts}}} {{{ofb_groot}}}

AchelChimayLa TrappeOrvalRochefortWestmalleWestvleteren