Rocca di Papa

Van Wikipedia
Naar navigatie springen Naar zoeken springen
Itoalië Rocca di Papa
Coats of arms of None.svg
Map of comune of Rocca di Papa (province of Rome, region Lazio, Italy).svg
Rocca di Papa binn'n de metropolitoane stad Rome
Regio Lazio
Provinsje Rome Ôofdstee
(metropolitoane stad)
Coördinoatn 41°46′NB 12°43′OL
Ippervlak 39,72 km²
Inweuners

Bevolkiengsdichtheid

17.294 (2017)
435,4 inw./km²
Postcode 00040
Website Officieeln site van Rocca di Papa


Rocca di Papa es en Italioansche gemêente binn'n de metropolitoane stad Rome Ôofdstee in de regio Lazio. 't Ligt o de zuudôostkantn van Rome zelve, ip apeupri 27 kilomèiters van't center van Rome, temidd'n d'Alboanse Euvels. O de zuudkantn van Rocca di Papa ligt et Meer van Albano.

D'n top van Rocca di Papa

Liggienge[bewerkn | brontekst bewerken]

Rocca di Papa ligt ip 680 mèiters boovn zêeniveau. 't Oud center ligt teegn de gelyknoamige burchtruïne, die ip 'n neevntop van de Monte Cavo ligt. Vele van de stratjes zyn zodoanig steyl da je der nie kunt ry'n me d'n otto en da je mè trappn van 't êene na 't and're moe goan. Vanuut Rocca di Papa ei je ôok e ver uutzichte, en oumgekêerd ku je by schôon were ip en ôoge plekke in Rome Rocca di Papa zien liggn.

Rocca di Papa grenst an de gemêentn Albano Laziale, Ariccia, Artena, Castel Gandolfo, Grottaferrata, Lariano, Marino, Monte Compatri, Nemi, Rocca Priora en Velletri. De gemêente èit twêe wykn en gehuchtn (frazioni): Pratoni del Vivaro en Campi d'Annibale.

Beziensweirdigeedn[bewerkn | brontekst bewerken]

  • 't Pauselyke fort, ol gekend sedert de middelêeuwn, mor gerestoreerd tout de stoat da't nu nog olsan es ounder paus Paulus III.
  • 't Illigdom van de Madonna del Tufo
  • De Kerke van't Illig Kruus (Chiesa del Crocefisso), e klêen kerksje in de rotse, woavan 'n ôorsproung ol weregoat tout aan de twoalfde êeuwe.
  • De Maria-Assumpsjekerke (Chiesa di Santa Maria Assunta), gebouwd in d'achttiende êeuwe en vergrôot erbouwd achter d'oardbeevienge van 1806.
  • D'Illig-Èrtekerke (Chiesa del Sacro Cuore), ingeweyd in 1998. Ovoorn de kerke stoat er en standbêeld van paus Johannes Paulus II.
  • De Fontana della Barcaccia
  • 't Beiernkwartier (Quartiere dei Bavaresi), gebouwd deur Beiersche soldoatn, achter da z'ier wierdn gestationeerd deur keyzer Lodewyk den Beier in 1328.
  • 't Klôoster van Santa Maria ad Nives di Palazzolo en de by-ôor'nde kerke
  • De Via Sacra ip de Monte Cavo
Wikimedia Commons