Groavn en hertoogn van Anjou

’t Groafschap Anjou

De groaf van Anjou regeerde over et groafschap Anjou sedert de 9e êeuwe. Karel de Kletsn had et gebied gegeevn an Robert de Sterkn van 't Huus van de Robertynn.

Ingelger en zyn zeune Fulco I de Rôoien woarn êest Burggroaf van Angers, tout da Fulco zyn eign den titel van groaf van Anjou gaf. 't Woarn Frankische eedeln die profiteerdn van de gevechtn tusschn de latste Karoliengers en de Robertynn en van d'oorloogn teegn de Vikings.

't Huus Ingelger wordt den êeste dynastie van de groavn van Anjou genoemd.

De familie stierf uut in mannelyke lyne in 1060 me Godfried II van Anjou. Je wierd ipgevolgd deur de groaf van Gâtinais, die trouwde met Ermengarde van Anjou, zuster van Godfried II.

Godfried V van Anjou, Godfried Plantagenet genoemd, van 't Huus Gâtinais, trouwde me Mathilde, dochter van keunienk Hendrik I van Iengeland. Under zeune was Hendrik II Curtmantle, die keunienk van Iengeland kwam. Met hem begost de dynastie van Iengelsche keuniengn, et Huus Plantagenet, ook de Angevins genoemd.

Robertynn

• Robert de Sterkn (861–866), voader van
• Odo I van West-Francië (866–898)

Groavn van Anjou

Huus Ingelger

• Ingelger (870–898), voader van
• Fulco I, de Rôoien (898–941), voader van
• Fulco II, de Goeien (941–960), voader van
• Godfried I, Grysmantel (960–987), voader van
• Fulco III, de Zwarten (987–1040), voader van
• Godfried II, Martel (Hoamer) (1041–1060),

Godfried II ha gin jounges. Je wierd ipgevolgd deur zyn schonbroere Godfried III, de groaf van Gâtinais, die getrouwd was me zyn zuster Ermengarde.

Huus Gâtinais

• Godfried III, met den Board (1060–1067), broere van
• Fulco IV, le Réchin (1067–1109, tegoare me zyn zeune Godfried IV (1098–1106), voader van

Portreit	Noame	Periode	Ouders	Nota’s
	Fulco V, de Joungen	1106–1129	Fulco IV van Anjou Bertrada van Montfort	Ook keunienk van Jerusalem als Fulco I
	Godfried V, Plantagenet	1129–1151	Fulco V van Anjou Ermengarde van Maine	Stamvoader van 't Huus Plantagenet.

Huus Plantagenet (Angevins)

Portreit	Noame	Periode	Ouders	Nota’s
	Hendrik II Curtmantle	1151–1189	Godfried V, Plantagenet Mathilde van Iengeland	Keunienk van Iengeland en hertog van Normandië
	Richard Leeuwenhart	1189–1199	Hendrik II Curtmantle Eleonora van Aquitanië	Je dei mee als kruusvoarder an de Derde Kruustocht
	Arthur I van Bretagne	1199–1203	Godfried II van Bretagne Constance I van Bretagne	Zyn voader was e broere van Richard I Leeuwenhart

In 1204 verloor et Huus Plantagenet et groafschap Anjou an de Frãnsche keunienk Philippe II Auguste. Zyn zeune Louis VIII gaf et an zyn zeune Jean Tristan, die an zyn dertien joar stierf. Achter zyn dôod gieng et groafschap noa de joungste postuum geboorn zeune Charles I van Anjou, die keunienk van Sicilië en Noapels kwam en de stamvoader van 't Huus Capet-Anjou.

Huus Capet

• Jean Tristan (1119–1232)

Tak Capet-Anjou

Portreit	Noame	Periode	Ouders	Nota’s
	Charles I van Anjou	1246–1285	Louis VIII van Vrankryk Blanca van Castilië	Keunienk van Sicilië en Noapels
	Charles II van Anjou	1285–1290	Charles I Beatrice van Provence	Je trouwde me Maria van Hongareye (1257-1323), dochter van keunienk Stefanus V van Hongareye en zuster en erfgenoame van keunienk Ladislaus IV
	Marguerite van Anjou	1290–1299	Charles II Maria van Hongareye	In 1290 trouwde Marguerite me Charles van Valois, e zeune van keunienk Philippe III van Vrankryk. Charles kwam groaf van Anjou als Charles III.

Tak Valois-Anjou

Portreit	Noame	Periode	Ouders	Nota’s
	Charles III van Anjou (Charles van Valois)	1290–1325	Philippe III van Vrankryk Isabel van Aragón	In 1284 gaf zyn voader hem den titel van groaf van Valois. In 1290 kwamt ie ook groaf van Anjou deur zyn huwelik me Marguerite van Anjou. Deurda de zeuns van zyn oudere broere, keunienk Philippe IV van Vrankryk « Philippe le Bel », gin mannelikke erfgenoamn haan, kwam Charles de stamvoader van et Huus Valois. Zyn zeune Philippe van Valois kwamt den êeste keunienk van Vrankryk van 't Huus Valois als Philippe VI van Vrankryk.
	Philippe van Valois (Philippe VI van Vrankryk)	1325–1328	Charles van Valois Marguerite van Anjou	De 26stn april 1332 gaft ie 't groafschap Anjou an zyn oudste zeune Jean II
	Jean II	1332–1351	Philippe VI van Vrankryk Jeanne van Bourgondië	Je was de voader van keunienk Charles V van Vrankryk, van Louis I van Anjou, en van Filips de Stoutn, den hertog van Bourgondië.
	Louis I van Anjou	1351–1360 Hertog: 1360–1384	Jean II van Vrankryk Bonne van Luxemburg	Van 1360 kwam Anjou een hertogdom.

Hertoogn van Anjou (1360–1481)

Portreit	Noame	Periode	Ouders	Nota’s
	Louis I van Anjou	1360–1384	Jean II van Vrankryk Bonne van Luxemburg	Êestn hertog van Anjou. Ook groaf van Maine en groaf van Provence.
	Louis II van Anjou	1384–1417	Louis I Marie van Blois	Zeune van Louis I. Je was de voader van Louis III van Anjou, René van Anjou, Charles van Maine, en van Marie van Anjou, die trouwde me keunienk Charles VII van Vrankryk.
	Louis III van Anjou	1417–1434	Louis II Yolande van Aragón	Oudste zeune van Louis II. J’ha gin jounges en je wierd ipgevolgd deur zyn broere René
	René van Anjou	1434–1480	Louis II Yolande van Aragón	Twidde zeune van Louis II. Je wierd ipgevolgd deur Charles IV, die e zeune was van zyn joungere broere Charles van Maine, de joungste zeune van Louis II
	Charles IV van Anjou	1480–1481	Charles van Maine Isabelle van Luxemburg, Saint-Pol	Achter zyn dôod in 1481 komt Anjou, Maine en Provence were by ’t krôondomein ounder de Frãnsche keunienk Louis XI.