Joanna I van Navarra

Van Wikipedia
Joanna I van Navarra
1273-1305
Keuniginne van Navarra
Periode1274-1305
VôorgangerHenri I van Navarra
IpvolgerLouis I
Keuniginne-gemalinne
van Vrankryk me Philippe IV
Periode1285-1305
VôorgangerMarie van Broabant
IpvolgerMargaretha van Bourgondië (1290-1315)
VoaderHenri I van Navarra
MoederBlanche van Artois

Joanna I van Navarra (Bar-sur-Seine, Champagne, 14 januoari 1273 – Vincennes, 2 april 1305) was keuniginne van Navarra van 1274 tout 1305 en deur heur huwelyk me keunienk Philippe le Bel ook keuniginne van Vrankryk van 1285 tout 1305. Ze was de dochter van Henri I van Navarra en Blanche van Artois.

Conflict me Vloandern[bewerkn | brontekst bewerken]

In 1301, achter da Vloandern g'annexeerd was deur Vrankryk, kwoamn de wevers met under leider Pieter de Coninck in ipstand teegn 't Frãnsgezind patricioat. Ze woarn kwoad omdan ze zo vele belastiengn mostn betoaln vo 't bezoek van de keunienk me zyn keuniginne te bekostign. Vor under bezoek in Brugge haan de patriciërs zo vele geld uut gegeevn en woarn under vrouwn zo ryke geklid da Joanna zei: Ik peisdn da 'k ik hier d'ênigste keuniginne woarn.

Huwelik en jounges[bewerkn | brontekst bewerken]

Joanna trouwde ip 16 ogustus 1284 an heur 11 joar me Philippe IV. Z'haan zeevn jounges, woavan drie ipêenvolgnde Frãnsche keuniengn.

  1. Marguerite (ca. 1288-1294)
  2. Louis X (1289-1316), keunienk van Vrankryk van 1314 tout 1316.
  3. Blanche (1290-1294)
  4. Isabelle (1292-1358), getrouwd met Edward II van Iengeland van 't Huus Plantagenet. Heur zeune Edward III begost den Hounderdjoarign Oorloge over zyn ansproake ip de Frãnsche trôone achter 'n dôod van Charles IV. Mo Philippe van Valois wierd verkoozn en je kwam als Philippe VI den êeste keunienk van 't Huus Valois.
  5. Philippe V (1293-1322), keunienk van Vrankryk van de 1316 tout 1322.
  6. Charles IV (1294-1328), keunienk van Vrankryk van 1322 tout 1328.
  7. Robert (1296-1308)
Wikimedia Commons