Veneto

Van Wikipedia
Naar navigatie springen Naar zoeken springen
Itoalië Veneto
Flag of Veneto.svg Coat of Arms of Veneto.png
Veneto in Italy.svg
Liggienge van Veneto in Itoalië
Hoofdstad Venetië
Ippervlak 18.345,35 km²
Inweuners

Bevolkiengsdichtheid

4.905.200 (2018)
267,38 inw./km²
President Luca Zaia (LV–LN)
Provinsjes 6 + 1 metropolitoane stad
Gemêentn 571
Website regione.veneto.it
{{{foto}}}
{{{byschrift}}}

Veneto es e regio in't nôord'n van Itoalië mè en ippervlak van 18.345,35 vierkante kilomèiters en juuste gin vuuf miljoen inweuners. D'n ôofdstad es Venetië.

Veneto grenst in't nôord'n an d'ottonome regio Trentino-Zuud-Tirol en vor en klêen stik an Ôostnryk (mêer bepoald de dêelstoatn Tirol en Karinthië), in't ôostn an Friuli-Venezia Giulia, in't zuud'n an Emilia-Romagna en in't westn an Lombardeye. O d'ôostkantn van Veneto ligt d'n Golf van Venetië, e stik van d'Adrioatische Zêe.

Landschap[bewerkn | brontekst bewerken]

Ôogtekoarte van Veneto

In't nôordn (meer bepoald in 't stik da teegn Zuud-Tirol en Ôostnryk ligt) es Veneto vrêe bergachtig en liggn der bergn van de Dolomietn en de Karnische Alpn. 't Es ôok ier da Cortina d'Ampezzo ligt, wa vrêe gekend es by alpinistn, skiërs en coureurs. D'n mêest gekendn berg ier es de Tre Cime di Lavaredo die ip't schêe'n me Trentino-Zuud-Tirol ligt.

D'andre stikkn van binn'nland van Veneto liggn in e loagvlakte. Ier liggn ôok teffrente grôote steed'n lyk Verona en Padua en zyn der teffrente boereveldn woar der ounder and're vele wyn wordt verbouwd. De loagvlakte wordt o de zuudkantn van Padua en Vicenza ounderbrookn deur de klêendere euvelruggn van de Monti Berici en de Colli Euganei.

't Grotste gedêelte van de kust es ingevuld deur de laguun'n in de Golf van Venetië en de delta-moundienge van de Po-riviere. D'n ôofdstad Venetië es gebouwd ip êenigte eylandn in de grôotste lagune: de Laguna Veneta. An de kuste van de nôordôostnkantn van de regio kun je mêer zandstrand'n vind'n; ier liggn ôok voakbezochte toeristische badploatsn lyk Jesolo, Bibione en Caorle.

Administratieve indêelienge[bewerkn | brontekst bewerken]

De regio Veneto es ingedêeld in 6 provinsjes en 1 metropolitoane stad:

Provinsjes van Veneto
Provinsje Ofkortienge Oofdstad Belangryke plekk'n
Belluno BL Belluno Feltre, Cortina d'Ampezzo
Padua PD Padua Cittadella, Monselice
Rovigo RO Rovigo Adria
Treviso TV Treviso Conegliano, Vittorio Veneto
Venetië (metropolitoane stad) VE Venetië Chioggia, San Donà di Piave, Jesolo, Portogruaro
Verona VR Verona Legnago
Vicenza VI Vicenza Bassano del Grappa
Wikimedia Commons
{{{ofb_links}}} Regio's van Itoalië Flag of Italy.svg {{{ofb_groot}}}

AbruzzoApuliëBasilicataCalabriëCampaniëEmilia-RomagnaFriuli-Venezia GiuliaLazioLiguriëLombardeyeMarcheMolisePiëmonteSardiniëSiciliëToscaneTrentino-Zuud-TirolUmbriëValle d'AostaVeneto