Lombardeye

Van Wikipedia
Ga naar: Begunplekkn, zoeken
Dat artikel es oorsprounkelik geschreevn in 't Kustwestvlams.

Itoalië Lombardeye
Lombardia
Flag of Lombardy.svg Regione-Lombardia-Stemma.svg
Lombardy in Italy.svg
Liggienge in Itoalië
Hoofdstad Milaan
Ippervlak 23.861 km²
Inweuners

Bevolkiengsdichtheid

10.020.055 (2017)
419,89 inw./km²
President Roberto Maroni
Provinsjes 11 + 1 metropolitane stad
Gemêentn 1546
Website www.regione.lombardia.it
{{{foto}}}
{{{byschrift}}}

Lombardeye (Italioans: Lombardia, Lombardisch: Lumbardia, van de stamme de Longobardn) is e regio in Nôord-Italië.

De regio strekt hem uut van de Centrale Alpn in 't nôordn toet de riviere de Po in 't zuudn. In 't westen wordt Lombardeye begrensd deur 't meer Lago Maggiore en de riviere Ticino, in 't ôostn deur 't Gardameer en de riviere de Mincio. Lombardeye grenst (met de klokke mee) an Zwitserland, en de regio's Trentino-Zuud-Tirol, Veneto, Emilia-Romagna en Piemonte.

Qua grotte stoat de regio ip de vierde plekke, achter Sicilië, Piemonte en Sardinië. Van de 1000 Italioann weunn der 157 in Lombardeye, 16% van de totale nationale bevolkienge. D' hoofdstad van Lombardeye is Milaan.

Provinsjes en belangryke steedn[bewerkn | brontekst bewerken]

Provinsje Ofkortienge Hoofdstad Belangryke plekkn
Bergamo BG Bergamo Treviglio, Dalmine
Brescia BS Brescia Desenzano del Garda
Como CO Como Cantù, Erba
Cremona CR Cremona Crema
Lecco LC Lecco Bellano, Merate
Lodi LO Lodi
Mantua MN Mantua Sabbioneta
Milaan (metropolitane stad) MI Milaan Sesto San Giovanni, Rho, Legnano
Monza e Brianza MB Monza Seregno
Pavia PV Pavia Vigevano, Voghera, Mortara
Sondrio SO Sondrio Chiavenna, Tirano
Varese VA Varese Busto Arsizio, Saronno, Gallarate

Culteure[bewerkn | brontekst bewerken]

Der stoan acht plekkn, hêelegans of gedêeltelyk in Lombardeye, ip de lyste van UNESCO Weirelderfgoed:

  • Monte San Giorgio, belangryke viendplekke van fossieln an 't meer van Lugano ip de grenze mè Zwitserland.
  • Rotstêekeniengn van Valcamonica, êen van de grotste collecsjes van prehistorische rotstêekeniengn in de weireld in de valleie Valcamonica in de provinsje Brescia.
  • Prehistorische poalhuuzn in d' Alpn, met 111 individuele objectn in Frankryk, Zwitserland, Italië, Duutsland, Ôostnryk en Slovenië, woarvan tiene in Lombardeye.
  • Longobardn in Italië. Plekkn van macht (568-774 achter Christus). 't Bestoat uut zeevn gebouwcomplexn. Al de bouwwerkn zyn deur 't Germoans volk de Longobardn gebouwd in de periode tusschn 568 en 774.
  • De Santa Maria delle Grazie in Milaan, e kerke met e Dominicoans klôoster, ook bekend vo ’t fresco 't Latste Avondmaal (Ultima Cena) van Leonardo da Vinci in de refter (Cenacolo) van 't klôoster.
  • D'Heilige bergn (Sacri Monti) van Piemonte en Lombardeye, verschillige bedevoartplekkn woarvan 9 erkend.
  • Crespi d'Adda, e plekke in de gemêente Capriate San Gervasio, provinsje Bergamo, gebouwd vanof 1877 ols modeldorp vor arbeiders.
  • De Berninalyne, een yzerweg die Sankt Moritz in Zwitserland verbiendt mè Tirano in Lombardeye.
Wikimedia Commons