Trentino-Zuud-Tirol

Dat artikel es geschreevn in 't Kustwestvlams.

---

Trentino-Zuud-Tirol Trentino-Alto-Adige
Liggienge in Itoalië
Hoofdstad	Trento
Ippervlak	13.619 km²
Inweuners	1.068.264 (2018)
Bevolkiengsdichtheid	79 inw./km²
President	Arno Kompatscher
Provinsjes	2
Gemêentn	339
Website	www.regione.taa.it

Trentino-Zuud-Tirol (Italioans: Trentino-Alto Adige, Duuts: Trentino-Südtirol) is een autonome regio in 't nôordn van Itoalië. D'n hoofdstad is Trento.

Geografie

Trentino-Zuud-Tirol grenst an de volgnde gebiedn:

• Regio Veneto (provinsjes Belluno, Vicenza en Verona)
• Regio Lombardeye (provinsjes Brescia en Sondrio)
• Ôostnryk (dêelstoatn Tirol en Salzburg)
• Zwitserland (kantong Graubünden).

Administratieve indêlienge

De regio is ingedêeld in 2 provinsjes: Zuud-Tirol in 't nôordn en Trentino in 't zuudn:

Provinsjes van Trentino-Zuud-Tirol

Provinsje	Ofkortienge	Hoofdstad	Belangryke plekk'n
Zuud-Tirol	BZ	Bozen	Meran, Brixen, Leifers
Trentino	TN	Trento	Rovereto, Arco, Riva del Garda

De provinsje Zuud-Tirol is vo 't grotste dêel Duutstoalig met een Italioansche en e klêene Ladinische minderheid. De provinsje Trentino is verre hêlegans Italioanstoalig mè styf klêene Duutsche en Ladinische (Reto-Romoansche) minderheedn.

Van de totoale bevolkienge spreikt oengeveer tjestig percent Italioans, bykan vêertig percent Duuts en ênigte percentn Ladinisch.

Sedert 1971 ligt 't zwoartepunt van de macht by de twei provinsjes en speelt d'n autonome regio Trentino-Zuud-Tirol e beperkte, coördineernde rolle.

Ofbeeldiengn die ier by passn ku je vien in de categorie Trentino-South Tyrol van Wikimedia Commons.