Verênigd Keunienkryk

Verênigd Keunienkryk United Kingdom of Great Britain and Northern Ireland
Liggienge van 't Verênigd Keunienkryk in Europa
Officiële toale	Iengels
Hoofdstad	Lond'n
Stoatsvorm	Constitutionele monarchie
Stoatshoofd	Charles III
Êerste minister	Keir Starmer
Ippervlak	242.495 km²
Inweuners Bevolkiengsdichtheid	63.395.574 (2013) 261,4 inw./km²
Munte	Pound sterling (£) (GBP)
Tydzone	UTC+0 (zomertyd: UTC+1)
Landcode	GB, GBR
Telefongcode	(+44)
Internet-TLD	.uk
Nationale fêestdag

't Verênigd Keunienkryk, vuluut: 't Verênigd Keunienkryk van Grôot-Brittannië en Nôord-Ierland (Iengels: United Kingdom, ofgekort tot UK), is e land in West-Europa dat ip eylandn tusschn de Nôordzee en d'Atlantischn Oceoan ligt. 't Bestoat uut Grôot-Brittannië, 't nôordelyk dêel van Ierland, en nog vele klêene eylandjes.

Den hôofdstad van 't Verênigd Keuninkryk es Londn. Andere grôte steedn zyn Birmingham (centroal geleegn), Manchester en Liverpool (middn-Westn). Den hôofdstad van Schotland es Edinburgh, van Wales Cardiff en van Nôord-Ierland Belfast. Der weunn oungeveer 60 miljoen minsn in de UK.

Koarte van 't Verênigd Keunienkryk

Polletiek

't Verênigd Keuninkryk es een constitutionele monarchie. Ip et moment es 't er een keunienk an de macht: King Charles III. De leidienge es in handn van een êeste minister die regeert in noame van de keunienk. Nu es da Rishi Sunak (Conservative Party). De êeste minister stoat an 't ôofd van de regeringe, die gecontroleerd weird deur een parlement en een senoat, die verkoozn weirdn deur de bevolkienge. Traditioneel, en ôok een bitje als gevolg van het kiessysteim in de UK, zyn der twêe belangryke polletieke partien: de Conservatievn en de Labour Party (oeze Socialistn). De latste joarn es der een nieuwe partie ipgekoomn: de Liberal Democrats, die me in de links-liberoaln oek moetn situeern. D'r zyn ôok nog wa klindere partien, gelik de uterst rechtse National Party. The UK makte dêel uut van de Europese Unie, en es gekend voo êen van de grôotste critici van die instellienge: zôo es 't Verênigd Keuninkryk êen van de winnige landn die den Euro nie ingevoerd eit.

Economie

't Verênigd Keuninkryk es êen van de belangrykste economische machtn in de weireld, en ôort by de G8. Kwa economisch model zittn ze ievers tussn de Verênigde Stoatn en de Europese landn in. Z'ein de Britse Pond g'oudn als munte, in tegenstellienge tot de reste van de Europese Unie.

Geografie

De streekn van 't Verêenigd Keuninkryk

't Verênigd Keunienkryk ligt ip een eilandngroep. 't Land bestoat in 't Zuudôostn vôorol uut golvende euvelachtige landschappn, en mêer noar et Nôordn toe ei je bergachtige streekn me bergn tot round de 1000 meiters (the Lake District). Wales en Schotland ein ôgere toppn: in Schotland zyn de highlands bekend (me toppn tot 1344 meiters) , binst da Wales over de hêle lyne bergachtig es.

Cultuur

Et land eit oltyd nen grôotn invloed g'ed ip de culture van et Westn, êest als grôotmacht, en loater als gevolg van't feit da Amerika nen directn ofstammeling es van et land. Zôo es de toale van et land, et Ingels, de weireldtoale by uutstek. In olle internationoale contactn (in de weetnschap, de luchtvoart, de internationoale instelliengn,...) es het Ingels de voertoale.

De Angelsaksische invloed es ôok uutgesprookn in de populaire cultuur: de edendoagsen invloed in film, muziek, literatuur en kunst es ounteegnsprekelik. Toch es de invloed van 't Verênigd Keunienkryk toanende, en sommigte zien in de bemoeienissn van 't land in zoakn gelik het internationoale terrorisme (met ols belangrykste punt de steun an de Verênigde Stoatn by de bezettienge va Irak) een sôorte drang noar het (glorieuze) verleedn.

Ofbeeldiengn die ier by passn ku je vien in de categorie United Kingdom van Wikimedia Commons.