Vlaams Belang

Vlaams Belang is een Vlamsche polletieke party die bestoat sedert 14 november 2004. Z' is Vlams-nationalistisch en reks-conservatief.

Geschiedenisse

Vlaams Belang is de opvolger van 't Vlaams Blok. In 2004 woarn drie vzw's verboundn me 't Vlaams Blok angekloagd en verôordeeld voe racisme deur 't Hof van Cassoasje, de ogste rechtbank va België. De drie vzw's woarn:

De Vlaamse Concentratie, den ountvanger en behêerder van den overheidssubsidies van 't Vlaams Belang,
De Nationalistische Omroepstichting, da zorgt vo de radio- en televisieprograms en
Het Nationaal Vormingsinstituut, da zorgt vo de vormieng va de koadrleedn van 't Vlaams Belang.

Doarip besloot de party van noame te verandern.

Tot in 2006 giengn de verkieziengsuutsloagen van't VB oltyd moa in stygende lyne. Vô de Gemêenteroadsverkiezingn 2006 krêeg Filip Dewinter en koude douche deur 'n uutslag van Patrick Janssens, moa ôok in de grôte steedn was't nie oltyd ne vettn.

Anno 2007 zien we veranderiengn in de winnoarsmentaliteit en stuuft et ol ne kêe in den top van 't VB. Me de nieuwe "Lyste Dedecker" ester ne nieuwn die komt vissen in dezelfdn vyver.

By de verkieziengn van 7 juni 2009 oalde de partie 15,28% van de stemmn voe 't Vlams Parlement en 15,88% voe d' Europeesche verkieziengn. Da wos e verlies van 8,86% en 7,28% vergeleekn met de vôorige Vlamsche en Europeesche parlementsverkieziengn van 't Vlams Blok.

By de federoale verkieziengen van 2010 gieng 't Vlaams Belang were achteruut. In de Koamer zakte de partie toet 12,3% van de stemmn, e verlies van 6,7%. Ze woarn vuuve van under 17 zetels kwyt. In de Senoat giengn ze 6,92% achteruut toet 12,28%. Doa woarn ze twêe van under vuuf zetels kwyt (voe de rechtstreeks verkoozn senateurs).

Oofdpuntn van 't programma

Sedert die verôordelienge probeert 't Vlaams Belang neur racistiese parleej e bitje in te perkn. Moa nie olle verkooznen sloagn doa even goed in. Dat is oek normoal: de arde kritiek op immigrantn is oek êen van de belangrykste reed'nen vowuk da 't Vlaams Belang goed scôort in de verkiezingn.

De vrimde die ier weunn, moetn nunder anpassen a nuuze toale e de Vlamsche cultuur.
Der meugn gin nieuwe vrimde mêer immigreern in België.
Vloandern oenofankelik. Dikkers verwôord in de krete België barst.
Mêer blauw op stroate voe mêer veiligheid en e betere bestryding van de criminaliteit.
De familie is belangryk. Vele mêer kindjesgeld om de voader of de moeder by 't gezin te loatn in de plekke va te goan werkn.
Economie: minder macht voe de vakboundn, gin geldstroomn ne mi na de Woaln e na Brussel.

De Vlams Belangers zelve zeggn dikkers dan de 'traditionele' partyen ol vele van nunder standpuntn geweune overenoomn en. Objectif ezien is dat oek wel woa. E vôorbeeld: overtyd wos 't e schande om te zeggen "aanpassen, of werekêern na joen land" tegen e vrimdelieng. Moa nu durvn oek d'ander partyen dat ol te zeggn. Zelfs de partyen ol de lienkerkant zyn in de loop der joarn opeschoovn na 't centrum.

De kopstikkn

De nieuwn vôorzitter sedert ende 2014 es Tom Van Grieken die Gerolf Annemans ipvolgde. Annemans volgde in 2012 Bruno Valkeniers ip. Vôodien wos 't Frank Vanhecke, ipvolger van stichter Karel Dillen. Andere kopstikkn zyn Filip Dewinter, Filip De Man, Marijke Dillen, Barbara Pas en Anke Van dermeersch.

Zôwel Frank Vanhecke as Filip Dewinter zyn afkomstig van Brugge, moa 't centrum van de party en ulder activiteitn liggn in Antwerpen. In november 2009 gaf Frank Vanhecke zyn ountslag uut 't partybesteur van 't Vlaams Belang.

Polletieke mandoatn

Europees niveau

In 't Europees parlement makt 't Vlams Belang dêel uut van de fractie Patriottn vor Europa. Z' hèn drie Europarlementsleedn:

Gerolf Annemans
Barbara Bonte
Tom Vandendriessche

Federoal niveau

Koamer van Volksverteegnwoordigers (2024-2029)
Kieskrieng	Noame
West-Vloandern	Kurt Ravyts
West-Vloandern	Dominiek Spinnewyn-Sneppe
West-Vloandern	Kristien Verbelen
West-Vloandern	Wouter Vermeersch
Ôost-Vloandern	Ortwin Depoortere
Ôost-Vloandern	Barbara Pas (fractievôorzitter)
Ôost-Vloandern	Werner Somers
Ôost-Vloandern	Francesca Van Belleghem
Ôost-Vloandern	Alexander Van Hoecke
Antwerpn	Marijke Dillen
Antwerpn	Ellen Samyn
Antwerpn	Reccino Van Lommel
Antwerpn	Sam van Rooy
Antwerpn	Lode Vereeck
Vlams-Broabant	Katleen Bury
Vlams-Broabant	Britt Huybrechts
Vlams-Broabant	Kurt Moons
Limburg	Dieter Keuten
Limburg	Annick Ponthier
Limburg	Frank Troosters

Senoat (2024-2029)
Kieskrieng	Noame
West-Vloandern	Yves Buysse
Ôost-Vloandern	Johan Deckmyn
Ôost-Vloandern	Kristof Slagmulder
Antwerpn	Anke Van dermeersch
Antwerpn	Wim Verheyden
Antwerpn	Hans Verreyt
Vlams-Broabant	Klaas Slootmans (fractievôorzitter)
Brussels Gewest	Bob De Brabandere

Vlams niveau

Vlams Parlement (2024-2029)
Kieskrieng	Noame
West-Vloandern	Yves Buysse
West-Vloandern	Immanuel De Reuse
West-Vloandern	Tom Lamont
West-Vloandern	Carmen Ryheul
West-Vloandern	Stefaan Sintobin
West-Vloandern	Sarah T'Joens
Ôost-Vloandern	Adeline Blancquaert
Ôost-Vloandern	Filip Brusselmans
Ôost-Vloandern	Johan Deckmyn
Ôost-Vloandern	Guy D'haeseleer
Ôost-Vloandern	Ilse Malfroot
Ôost-Vloandern	Kristof Slagmulder
Ôost-Vloandern	Freija Van den Driessche
Antwerpn	Bart Claes
Antwerpn	Dries Devillé
Antwerpn	Filip Dewinter
Antwerpn	Els Sterckx
Antwerpn	Anke Van dermeersch
Antwerpn	Tom Van Grieken
Antwerpn	Bart Van Opstal
Antwerpn	Wim Verheyden
Vlams-Broabant	Frédéric Erens
Vlams-Broabant	Jan Laeremans
Vlams-Broabant	Klaas Slootmans
Vlams-Broabant	Suzy Wouters
Limburg	Michiel Awouters
Limburg	Roosmarijn Beckers
Limburg	Mercina Claesen
Limburg	Chris Janssens (fractievôorzitter)
Limburg	Leo Pieters
Brussels Gewest	Dominiek Lootens-Stael

Brussels niveau

Brussels Hoofdstedelik Parlement (2024-2029)
Kieskrieng	Noame
Brussels Gewest	Bob De Brabandere (fractievôorzitter)

Externe koppelienge

De officieeln website

Ofbeeldiengn die ier by passn ku je vien in de categorie Vlaams Belang van Wikimedia Commons.