Vlams (Nederlands)

Van Wikipedia
Ga naar: Begunplekkn, zoeken
Vlamsche dialectn: (1) West- en Zêeuws-Vlams, (23) Ôost-Vlams, (22) Brabants, (24) Limburgs

Vlams is de benoamienge die oltemets gebruukt is voun olle toalvariantn die vôornkommn in Vloandern, te benoemn, zowel de standoardtoale (in 'n Dikkn Van Doale gebruukn ze 't label Belg. Ned. iervôorn, dus wôorn die anveird zyn in Vloandern, mor in Olland nie gebruukt zyn) of de dialectn (gew in Van Doale).

Toalvariant[bewerkn | brontekst bewerken]

Alhoewel dat de noame "Vlams" vele gebruukt wordt, is 't nog nie erkend lik officiële toalbenoamienge. Ip gebied van uutsproake, woordnschat en zinsbouw verschilt "Vlams" of "Zuud-Nederlands" vele van "Nôord-Nederlands", 't Nederlands dat in Holland geklapt wordt. 't Verschilt ook van 't Standaardnederlands van de "Nederlandse Taalunie".

Kyk noa Verschillen Vlams, Ollands en West-Vlams

Deur vervoagienge van de grenze tusschn standaardtoale en dialect, is ter de latstn tyd in Vloandern e tusschntoale ountstoan, ook Verkoaveliengsvlams genoemd of Gekuust Vlams.

Dialect of aparte toale[bewerkn | brontekst bewerken]

Traditioneel wordt Vlams anzien lik e dialect en nie lik 'n aparte toale. Toch zyn nie al de toalkundign van da gedacht en 't Vlams het azo 'n ISO 639-3 code toegeweezn gekreegn: vls. 't Goat hier over 't Vlams van 't vroegere groafschap Vloandern, da wil zeggn West- en Ôost-Vlams, Zêeuws-Vlams en Frans-Vlams.

Toalgeschiedenisse[bewerkn | brontekst bewerken]

De dialectn, die in de Vlamsche provinsjes wordn geklapt, zyn van Germoansche stamme en bestoan uut vier groepn: 't West-Vlams, 't Ôost-Vlams, 't Brabants (woarounder ook 't Antwerps) en 't Limburgs.

't Woord Vlams zèlve is ofgeleid van flâm, 'n Ingveoonsche vorm van 't Germoans flauma (verwant an 't Iengels flow en 't Oudduuts flaum), wat da vloed, stroom en stromienge wil zeggn.

Wikimedia Commons

Externe koppelienge[bewerkn | brontekst bewerken]