Frans

Frans (français) is e Romoansche toale en stamt dus of van 't Latyn, de toale van de Romeinn. 't Frans verschilt wel ip e hêel dêel puntn van andere Romoansche toaln.

Frans wordt geklapt deur 100 miljoen menschn over al de continentn in mêer of 50 landn. Frans is officiële toale in Frankryk, België, Canada, Zwitserland, Haiti en verschillige landn in West-en Centroal-Afrika.

Indêlienge

Modern Frans is de gecultiveerde versie van 't Oudfrans, de streektoale van Île-de-France, die dêel uutmakt van de Oïl-groep van de Gallo-Romoansche toaln. 't Standoardfrans het de streektoaln van Frankryk vor e grôot dêel verdroungn, moa toch zyn der nog assan e dêel verwante zustertoaln:

Gallo-Romoansche toaln
- Langue d'Oïl (Oïl-toaln):
  - Bourgondisch
  - Champenois
  - Franc-comtois
  - Oudfrans (standoardvorm Frans)
  - Gallo
  - Lorrain
  - Normandisch
  - Picardisch
  - Poitevin
  - Saintongeais
  - Woals
- Occitoans (Oc-toaln)
  - Auvergnat
  - Gascons
  - Languedocien
  - Limousin
  - Provençoals
  - Vivaro-alpin
- Arpitoans (Arp-toaln)

In Frankrijk wordn de mêeste van die toaln anzien lik dialectn en dus minderweirdig en 't gebruuk dervan wordt teegngewerkt. Moar in de latste joarn is die houdienge wel dudelik versoepeld.

Zie de Fransche uutgoave van Wikipedia.

Ofbeeldiengn die ier by passn ku je vien in de categorie French language van Wikimedia Commons.