Bollezele
 BollezeleBollezeele | |
|---|---|
_Nord.svg)
| |
 Bollezele in 't arroundissement Duunkerke | |
| Geografie | |
| Regio | Hauts-de-France |
| Departement | Noorderdepartement |
| Arroundissement | Duunkerke |
| Kanton | Wormhout |
| Coördinoatn | 50°51′NB 2°19′OL |
| Ippervlak | 17,54 km² |
| Inweuners | |
| Inweuners | 1441 (2016) 82 inw./km² |
| Andere | |
| Burgemêester | Pierre Marle |
| Postcode | 59470 |
| Webadres | Site va Bollezele |
Bollezele (Frans: Bollezeele) is e gemêente in Vrankryk in 't Noorderdepartement. 't Ligt in Frans-Vloandern in de Fransche Westhoek, ip 't schêen van 't Houtland en 't Blootland. Bollezele grenst an de gemêentn Eringem, Zegerskapelle, Arnyke, Rubroek, Broksele, Volkerinkove en Merkegem. Tweis deur Bollezele stroomt den Yzer, die hier nog mor e smalle beke is, van 't westn noar 't ôostn. In de gemêente lign ook nog 't gehucht Erkelsbrugge en de wyk Les Cinq Rues.
Geschiedenisse
[bewerkn | brontekst bewerken]D'êeste schriftelyke vermeldienge was Bolingesela in 1101. Binst 't ancien régime (vo de Fransche Revoluusje) woarn d'r verschilligte heerlykeedn ip 't groundgebied van Bollezele. In dien tyd makte Bollezele dêel uut van de kasselrye van Kassel, en ounderdêel van 't Groafschap Vloandern. De kasselrye was verdêeld in vierschoarn die recht sproakn. De gemêentn Bollezele en Zegerskapelle vormdn e vierschoare.
Vele Vlamsche noamn herinnern an dien tyd, lik Pantgat, Hofland, Penhof, Roodkoornhuys, Erkelsbrugge, Zwynland, Noordbunder, Vrouweveld, Smeekaert, Hoogenhill, Kapveld, Paddeveld, Peenhof, Korenhuys, Leurdam, Roos Houck, Brunshouck.
Ook de stroatnoamn woarn vroeger in 't Vlams lik de Metserstraete (nu verkêerd vertoald in 't Frans rue de Metz), Torrestraete, Ryckestraete, Drayestraete, Kerckstraete, Processiestraete, Vyfwegstraete, Klockeweg, Naegelstraete, Peenhofstraete, Kornhuysstraete, Cappellestraete.
In de viftienste êeuwe weundn d'r al 650 menschn in Bollezele.
Beziensweirdigheedn
[bewerkn | brontekst bewerken]- De Sint-Wandrillekerke die ôorsprounkelyk uut de twoalfste êeuwe dateert. De noame Bollezele is surtout verboundn met Onze-Lieve-Vrouwe-Bezoekienge an wien dat er verschillige miroakels zoun zyn toegeschreevn, d'n êestn dervan is vernoemd in 1429.
- 't Stadhuus in Vlamsche neogotische styl uut 1933
- De Koatsboanplekke (Place du jeu de Paume), e spel die vroeger styf vele gespeeld wierd in de streke
- 't Rustôord gesticht in 1864
|
Ofbeeldiengn die ier by passn ku je vien in de categorie Bollezeele van Wikimedia Commons. |