Loon (Vrankryk)

Loon Loon-Plage
Loon in't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Groot-Sintn
Coördinoatn	🌍 50°59′41″N 2°13′14″O
Ippervlak	35.67 km²
Inweuners
Inweuners	6297 (2011)
Bevolkiengsdichtheid	177 inw./km²
Andere
Burgemêester	Eric Rommel
Postcode	59279
Webadres	Officiëln site van Loon

Loon (Frans: Loon-Plage) es e gemêente in Vrankryk in't Noorderdepartement. 't Ligt in Frans-Vloandern in't Blootland, binn'n de steedelyke agglomeroasje van Duunkerke, an d'Opoalkust. 't Grenst an de gemêentn Duunkerke (Mardyk), Spyker, Broekkerke, Kroaiwyk, Sint-Joris (Vrankryk) en Grevelingn. Langsn de zuudkant van de gemêente loopt de Broekburgvoart, die der de grenze vormt me Broekkerke.

Geschiedenisse

Ôosprounkelyk wos't groundgebied van d'uudige gemêente Loon moar e klêen eilandje, mor achter de drôogleggienge van't Blootland an 't ende van den elfn êeuwe wierd et verboundn me't vasteland. An't ende van de twoalfde êeuwe wierd Loon en echt dorptje mo byst hêel 't Ancien Regime wierd et bedreygd enerzyds deur overstrôomiengn en anderszyds deur ôorloogn vanwege zyn liggienge dichte by de grenze tusschn 't Groafschap Vloandern en Vrankryk.

In 1800 wierd Loon officiël erkend lyk zelfstandige gemêente en in 1889 wierd beslootn van de noame van de gemêente te verandern na Loon-Plage, vo confuuzje te vermydn me de gelykklienkende stad Laon in't Aisne-departement. Loon wierd vanof ton e badplekke me de bouwe van e cazjeno, en hotel en treffente animoasjes. De latste decennia zyn grôote stikkn van Loon straf g'industrialiseerd deur d'uutbreydienge van de zêehoavn van Duunkerke. 't Es ton ôok eigntlyk ip't groundgebied van Loon da de ferry van Duunkerke na Dover vertrekt.

Zicht ip't center van Loon

Ofbeeldiengn die ier by passn ku je vien in de categorie Loon-Plage van Wikimedia Commons.