Bollezele

Bollezele Bollezeele
Bollezele in't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Wormout
Coördinoatn	50°51′NB 2°19′OL
Ippervlak	17,54 km²
Inweuners
Inweuners Bevolkiengsdichtheid	1441 (2016) 82 inw./km²
Andere
Burgemêester	Pierre Marle
Postcode	59470
Webadres	Site va Bollezele

Bollezele (Frans: Bollezeele) es e gemêente in Vrankryk in't Noorderdepartement. 't Ligt in Frans-Vloandern in de Franschn Westoek, ip't schee'n van't Outland en 't Blootland. Bollezele grenst an de gemêentn Eringem, Zegerskapelle, Arnyke, Rubroek, Broksele, Volkerinkove en Merkegem. Tweis deur Bollezele strôomt den Yzer, die ier nog mor e smolle beke es, van't westn noar 't ôostn. By de gemêente ôorn ôok nog 't gehucht Erkelsbrugge en de wyk Les Cinq Rues.

Geschiedenisse

D'êeste schriftelyke vermeldienge was Bolingesela in 1101. Binst 't ancien régime (vôorn de Fransche revoluusje) woarn d'r verschilligte heerlykeedn ip 't groundgebied van Bollezele. In dien tyd makte Bollezele dêel uut van de kasselrye van Kassel, en ounderdêel van 't Groafschap Vloandern. De kasselrye wos verdêeld in vierschoarn die recht sproakn. De gemêentn Bollezele en Zegerskapelle vormdn e vierschoare.

Vele Vlamsche noamn erinnern an dien tyd, lik Pantgat, Hofland, Penhof, Roodkoornhuys, Erkelsbrugge, Zwynland, Noordbunder, Vrouweveld, Smeekaert, Hoogenhill, Kapveld, Paddeveld, Peenhof, Korenhuys, Leurdam, Roos Houck, Brunshouck,...

Ook de stroatnoamn woarn in tydde in 't Vlams lik de Metserstraete (nu verkêerd vertoald in 't Frans rue de Metz), Torrestraete, Ryckestraete, Drayestraete, Kerckstraete, Processiestraete, Vyfwegstraete, Klockeweg, Naegelstraete, Peenhofstraete, Kornhuysstraete, Cappellestraete,...

In de viftiende êeuwe weundn d'r ol 650 menschn in Bollezele.

Beziensweirdigheedn

• De Sint-Wandrillekerke die ôorsprounkelyk uut de twoalfde êeuwe dateert. De noame Bollezele is surtout verboundn mè Ouze-Lieve-Vrouwe-Bezoekienge an wien dat er verschillige miroakels zoun zyn toegeschreevn, d'n êestn dervan is vernoemd in 1429.
• 't Stadhuus in Vlamsche neogotische styl uut 1933
• De Koatsboanplekke (Place du jeu de Paume), e spel da vroeger styf vele gespeeld wierd in de streke
• 't Rustoord gesticht in 1864

De Sint-Wandrillekerke

Ofbeeldiengn die ier by passn ku je vien in de categorie Bollezeele van Wikimedia Commons.