Krochte

Krochte Crochte
Krochte in 't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Wormhout
Coördinoatn	🌍 50°56′08″N 2°23′22″O
Ippervlak	7.83 km²
Inweuners
Inweuners	658 (2022)
Bevolkiengsdichtheid	92 inw./km²
Andere
Burgemêester	Stéphane Colaert 2020-2026
Postcode	59380
Webadres	Krochte

Krochte (Frans: Crochte) es e gemêente in Vrankryk in 't Noorderdepartement. 't Ligt in Frans-Vloandern up't schee'n van't Outland en't Blootland.

Geografie

't Grenst an de gemêentn Soks, Ekelsbeke, Bissezele, Zeskappel, Pitgam en Steëne. In de gemêente liggt ôok nog de gehuchtje Den iephoek.

Histoorie

In Krochte zynder voundstn gewist van verschillige Gallische muntn, ounder and're van de Morienn en d'Atreboatn, en ôok van Romeyns geld, wa antoogt da ter in Krochte zowel Keltn as loatr ôok Romein'n zyn gewist. D'oudste vermeldienge van't dorptjen es mo van 1067 ounder de noame Crochtem. In 1183 kom et nog e kêe vôorn lyk Crothan. De noame komt etymologisch van't Oud-Nederlandsche krochte wa en ôoge en drôoge plekke wilt zeggn. Deur de relatieve ogte van de plekke (nu ligt et ogste stik ip apeupri 32 mèiters) es Krochte ôok bikkans noois oovrstrôomd gewist. De plekke lag an de vroegre Route du Collège, in tydde de Looweg enoemd, d'oude boane die gienk van Lo na Loberge en die ilsan de verôogiengn in't landschap volgde langsn de rand van de vroegere kustlynne.

Bezienswoardigeedn

In Krochte stoat de Sint-Joorenskerke die ebouwd es in 1663 me de stikken van d'oudere kerke.

Ofbeeldiengn die ier by passn ku je vien in de categorie Crochte van Wikimedia Commons.