Terdegem

Terdegem Terdeghem
Terdegem in't arroundissement Duunkerke
Geografie
Regio	Nord-Pas-de-Calais
Departement	Noorderdepartement
Arroundissement	Duunkerke
Kanton	Wormout
Coördinoatn	50°47′NB 2°32′OL
Ippervlak	8,82 km²
Inweuners
Inweuners Bevolkiengsdichtheid	548 (2016) 62 inw./km²
Andere
Burgemêester	Irène Wypelier-Visticot
Postcode	59114
Webadres	Site van Terdegem

Terdegem ofte Tergem in't Frans-Vlams (Frans: Terdeghem) es e gemêente in Vrankryk in't Noorderdepartement. 't Ligt in Frans-Vloandern in't Houtland. 't Grenst an de gemêentn Stêenvôorde, Eke, Sint-Silvester-Kapel, Sint-Maria-Kapel en Kassel. Terdegem ligt an de voet van de Wouwenberg, an d'Eybeke.

Toponymie

't Dorptjen wierd vo nen êeste kêe vermeld in 950, derachter zyn der nog verschillige versies vo de noame dervan gattesteerd:

• Terdengim in 1002
• Tertingehem in 1038
• Terdingehem in 1115
• Terdengem in 1167
• Terdighem in 1187
• Therdeghem vanaf 1793
• D' uudige Fransche vorme Terdeghem vanaf 1801

Bezienswoardigeedn

Terdegem es van uutzichte en karakter nog vrêe Vlams. In 2015 es de gemêente nog vuufdes gewist in de verkiezienge van favoriete plekke van Vrankryk in't televizje-programma Le Village préféré des Français. Lokoale beziensweirdigeedn zyn:

• De Sent-Moartnskerke me dêeln uut de twoalfde, zestiende en achtiende êeuwe
• 't Grôot Kastêel uut de zestiende êeuwe
• 't Klêen Kastêel uut de zeevntiende êeuwe
• De Moulin Saint Arnoult of "Steenmeulen"
• 't Landbouwmuseum by de Steenmeulen oovr 't leevn en't andwèirk in Frans-Vloandern in de neegtiende êeuwe
• De Moulin de la Roome die zyn noame kreeg deurda ze langs 't vroegere tracé ligt van e Romeinsche heirboane

• 
  De Sent-Moartnsskerke in Terdegem
• 
  Uzzetjes
• 
  De Steenmeulen
• 
  De Moulin de la Roome