Bray-Duunn
 Bray-DuunnBray-Dunes | |
|---|---|
.svg)
| |
 Bray-Duunn in't arroundissement Duunkerke | |
| Geografie | |
| Regio | Hauts-de-France |
| Departement | Noorderdepartement |
| Arroundissement | Duunkerke |
| Kanton | Duunkerke-2 |
| Coördinoatn | 51°04′NB 2°31′OL |
| Ippervlak | 8,57 km² |
| Inweuners | |
| Inweuners | 4541 (2016) 530 inw./km² |
| Andere | |
| Burgemêester | Catherine Verlynde |
| Postcode | 59123 |
| Webadres | Site va Bray-Duunn |
Bray-Duunn ofte Bray-Duunen in't Frans-Vlams (Frans: Bray-Dunes, Nederlands: Brayduinen) es e gemêente in Vrankryk in't Noorderdepartement. 't Ligt in Frans-Vloandern in de Franschn Westoek. Bray-Duunn es e kustgemêente an de Nôordzêe (mêer bepoald an de Frans-Vlamsche Duunekuste) en ligt hil o de nôordwestkantn van't Blootland teegn De Schreve. Bray-Duunn es ton ôok de mêest nôordelyk geleegn gemêente van hil Vrankryk.
Bray-Duunn grenst an de Fransche gemêentn Gyvelde en Zuudkote. Et grenst ôok an West-Vloandern, noamelyk ter ôogte van De Panne. Olangsn de strange van de Panne keun je in gin tyd in Bray-Duunn stoan, wan 't es moa twêe kilomèiters. O de zuudkantn van de gemêente lôopt et Kanoal Nieuwpôort-Duunkerke.
Geschiedenisse
[bewerkn | brontekst bewerken]Bray-Duunn es gesticht in de neegntiende êeuwe deur Alphonse Bray, ne reder uut Duunkerke. Ôorsprounkeluk wos't en gehucht van Gyvelde toutda 't in 1883 e zelfstandige gemêente wierd.
Beziensweirdigeedn
[bewerkn | brontekst bewerken]- In Bray-Duunn stoan der twêe kerkn; In't dorp zelve stoat de grôote Ouze-Lieve-Vrouwe-ter-Duun'nkerke, ipgericht deur Alphonse Bray, die achter d'n Twiddn Weireldoorloge gerestaureerd es. By de strange stoat e klêendere kerke, d'Illig Èrtkerke.
- Tusschn Bray-Duunn en De Panne ligt et nateurreservoat De Westoek ofte Le Perroquet, e schôon ongerept stik duungebied van 565 ectoarn grôo.
- Der zyn ôok teffrente oovrbluufsels uut de Twidde Weireldoorloge, surtout bunkers ip't Fransche gedêelte van de strange nie verre van de Schreve.
- An de Schreve keun je ôok grenspoaln viend'n. In 2005 wierd e nieuwe grenspoale tusschn België en Vrankryk ing'uldigd deur burgemêester van De Panne Willy Vanheste en burgemêester van Bray-Duunn Claude Marteel. D'ôorsprounkelyke grenspoale es van 1819, van in tydde van 't Verenigd Keuninkryk der Nederlandn.
-
De strange van Bray-Duunn Plage, bezien vanuut 't duungebied -
Strange van Bray-Duunn Plage
|
Ofbeeldiengn die ier by passn ku je vien in de categorie Bray-Dunes van Wikimedia Commons. |