Isabella van Portugal (1397-1471)

Van Wikipedia
Isabella van Portugal
13971471
Isabella van Portugal
Ertoginne van Bourgondië
Periode1430 – 1467
VôorgangerBonne van Artesië
IpvolgerMargaretha van York
VoaderJohan I van Portugal
MoederPhilippa van Lancaster

Isabella van Portugal, (Evora, 21 februoari 1397 - Dijon, 17 december 1471) was de derde vrouwe van Filips den Goein, ertog van Bourgondië. Ze was d'enigste overlevende dochter, tusschen vuuf zeuns, van keunink Johan I van Portugal en Philippa van Lancaster.

Eur leevn[bewerkn | brontekst bewerken]

Isabella is geboorn in Evora en brocht eur jeugd deure an ’t Portugees of in Lissabon. Eur ouders wildn eur ’n goeie en stringe ipvoedinge geevn en echtegen styf vele belang an gezoundeid en intelligentie. Ze wierd ounderweezn in wiskunde, weetnschappn, politiek en ze leerde Latyn, Frans, Ingels en Italioans. In 1415, an eur achttien joar ad eur kozyn, Hendrik V van Ingeland, geirn met eur getrouwd vo de bandn tusschn Ingeland en Portugal te verstevigen teegn Frankryk, moa d’ounderandelingn zyn ip niks uutgedroaid. ’t Deurde nog dertien joar eer da ze nog e ki gevroagd gewist is vo te trouwn en wel mè Filips den Goein. Vor èm was ’t zyn derde vrouwe en ze was ton ol eenendertig joar oud. Ze trouwdn d’n zevenstn januoari 1430 in Sluus. Vo dien geleegneid è Filips de Orde van et Gulden Vlies ipgericht. Z’èn drie zeuns g’èd moa de twi oudste zyn vroeg gestorvn. De joungstn was Karel den Stoutn, die d’n tienstn november 1433 in Dijon geboorn is. Isabella was styf intelligent en ad ’n grootn politiekn invloed ip eur zeune Karel moa ze vertegenwoordigde ook dikwils eur vint. Ze was geirn omgeevn deur kunstenoars en dichters en liet eur schilderen deur Rogier van der Weyden. In 1457 gink z’in ’n franciscanesseklooster en vo die geleegneid liet ze ’n triptiek schildern deur Petrus Christus woavan dat ’t linkerluuk te zien is in ‘t Groeningemuseum in Brugge.

D’n zeventienstn december 1471 is ze gestorvn in Dijon.