Bourgondische ertoogn

Van Wikipedia
(deureverweezn van Bourgondische Ertoogn)
Naar navigatie springen Naar zoeken springen
Woapn van den hertog van Bourgondië
(1430–1482)

Den hertog van Bourgondië (Frãns: duc de Bourgogne) regeerde over het hertogdom Bourgondië da gesticht wierd in 918. De Bourgondische hertoogn hen e belangryke rolle gespeeld in de geschiedenisse van de Lêge Landn. 1384-1482 was de periode van de Bourgondische Nederlandn.

't Begun[bewerkn | brontekst bewerken]

De Bourgondiërs woarn oorsprounkelik e Germoans volk. In 443 krêegn ze e nieuw vestigiengsgebied: Sapaudie (Savoye). 't Gebied lag ten zuudn van Genève, langs de Rhone, tusschn de Alpn en 't Juragebergte. Doa stichtegn z'under nieuw keunienkryk.

Achter 't Verdrag van Verdun[bewerkn | brontekst bewerken]

Achter 't Verdrag van Verdun in 843 wierd et Frankisch Ryk van Lodewyk de Vroomn verdêeld ounder z'n zeuns, woaby dat 't nôordwestelik stik van Bourgondië by West-Francië kwam en 't ôostelik stik by Middn-Francië. 't Klêenste nôord-westelik stik lag ten westn van de Saone-riviere en wierd officieel regnum burgundiae genoemd.

Den êestn hertog van Bourgondië[bewerkn | brontekst bewerken]

In 880 goavn de broers Lodewyk III en Karloman van West-Francië den titel groaf van Autun an Richard Justiciarius, e schonbroere van Karel de Kletsn. Ounder Karel de Simpeln versterkte Richard nog z'n gezag deur overwinniengn teegn de Vikings en in 918 krêegt 'n ook den titel van hertog en da miek hem den êestn hertog van Bourgondië.

Bosoniedn (918–956)[bewerkn | brontekst bewerken]

't Hertogdom Bourgondië van Richard Justiciarius in 't bruun. 't Groafschap Bourgondië van Otto Willem (et nôordwestelik stik van 't keunienkryk Arelat) in 't groen.

In 923 stoat 'n 't hertogdom of an zyn broere omdat 'n keunienk van West-Francië wordt.

  • Hugo de Zwartn (923–952)
  • Gilbert van Chalon (952–956)

Robertynn (956–1002)[bewerkn | brontekst bewerken]

  • Otto van Parys, broere van Hugo Capet (956–965)
  • Eudes Henri de Grôotn (965–1002)

Huus Ivrea (1002-1004)[bewerkn | brontekst bewerken]

  • Otto Willem (1002-1004)

In 982 krêeg Otto Willem et groafschap Bourgondië van zyn moeder Gerberga van Mâcon. Je wierd angesteld als êeste paltsgroaf van Bourgondië deur keizer Otto II. 't Groafschap lag in 't nôordwestelik stik van 't keunienkryk Arelat of Arles.

In 1002, achter 'n dôod van zyn stiefvoader Eudes Henri de Grôotn, krêegt ie ook et hertogdom Bourgondië. Moar in 1004 annexeerde keunienk Robert II et hertogdom by Vrankryk. Otto Willem hield wel et groafschap.

Huus Capet (1004–1032)[bewerkn | brontekst bewerken]

Huus Bourgondië (1032–1361)[bewerkn | brontekst bewerken]

Philippe van Rouvres was hertog van Bourgondië van 1350 tout 1361. In 1357 ist 'n getrouwd me Margaretha van Male, dochter van de groaf van Vloandern Lodewyk van Male.

Bezittiengn binst de regerienge van
Karel de Stoutn
Vlagge van 't hertogdom Bourgondië

Omda Philippe van Rouvres gin ipvolgers haad, gieng 't hertogdom Bourgondië no keunienk Jean II van Vrankryk van 't Huus Valois, woadeure da 't Huus Capet uutstierf. Jean II gaf et hertogdom Bourgondië in 1363 an zyn vierde zeune Filips de Stoutn.

Huus Valois-Bourgondië (1363–1482)[bewerkn | brontekst bewerken]

De Bourgondische periode van Vloandern wierd in 1369 ingezet met den trouw van Margaretha van Male me Filips de Stoutn, de broere van de Frãnsche keunienk Charles V.

In 1477 sneuvelde Karel de Stoutn in de Slag by Nancy. Bourgondië zelve wierd g'annexeerd deur Vrankryk. Karel z'n dochter Maria van Bourgondië was nu zyn erfgenoame. Keunienk Louis XI van Vrankryk wilde da z'n zeune met heur zou trouwn vor ook de macht over de Lêge Landn te krygn, mo Maria trouwde da zelfste joar mè de Habsburger Maximiliaan van Ôostnryk, zeune van keizer Frederik III. Ze brocht azo den titel van hertog van Bourgondië en de Bourgondische Nederlandn zounder Bourgondië zelve ounder 't Hillig Rôoms Ryk. By de Habsburgsche Nederlandn kwam in 1493 ook nog Franche-Comté.

Huus Habsburg (1482–1700)[bewerkn | brontekst bewerken]

Huus Bourbon, herlevienge van den titel[bewerkn | brontekst bewerken]

Den titel 'Hertog van Bourgondië' is ook êen van de titels van de Spoansche Krône.

  • Juan Carlos I van Spanje (1975–2014)
  • Felipe VI van Spanje (2014–nu)

Kykt no de titels van Juan Carlos en Felipe VI van Spanje.

Nu is Bourgondië e Fransche regio

Wikimedia Commons