Arnulf van Karinthië

Arnulf van Karinthië (ca. 850 - Regensburg, 8 december 899), van ’t geslacht van de Karoliengers, was hertog van Karinthië van 880. Je was keunienk van Oost-Francië en Lotharingen van 887, en keunienk van Italië enRôomse keizer van 896 toet an zyn dôod.

Je was ’n oenwettige zeune van Karloman van Beiern en zyn concubine Liutwindis, en e klêenzeune van Lodewyk den Duuts.

Je wierd verkoozn in Oost-Francië en Lotharingen vor in de plekke te kommn van zyn noenkel Karel den Dikkn, die ofgezet was in 887.

In 891 kost ’n de Vikings versloan in de Slag by Leuven an de riviere de Dyle.

In 889 haad ’n ip de Ryksdag in Forchheim gevroagd vo zyn bastoardzeune Zwentibold t’erkenn ols ipvolger. Ze woarn akkôord ip vôorwoarde da de regelienge angepast zou wordn ot ’n nog e wettige zeune zou krygn.

Arnulf was in 888 getrouwd mè de Konradynsche Oda, dochter van groaf Berengar van Hessengouwe. In 893 wierd er eindelik e wettelikkn erfipvolger geboorn: Lodewyk IV van Oost-Francië, bygenoamd et Kiend.

In 895 zette Arnulf Zwentibold toch ip de trône, moar ollêne ols keunienk van Lotharingen.

Keunienk van Italië en Rôomse keizer]]

Achter den dôod van Karel den Dikkn in 888 vertrokt ie noar Italië vo doa de keuniengstitel van Berengar van Friuli te betwistn, mo Berengar most zyn titel ofstoan an hertog Guido van Spoleto. Achter Guido zyn dôod in 894 bezette Arnulf Nôord-Italië, mo je kost et in 895 were nie hoaln van Berengar en Guido zyn zeune Lambert van Spoleto.

Lambert wierd ofgezet in 896 en Arnulf liet zyn eign in Pavia erkenn toet keunienk van Italië. Doar achter vertrokt ie no Rome, woa da paus Fomosus hem ip 22 februoari 896 krôonde toet keizer. Die kronienge wierd in 898 deur paus Johannes IX oengeldig verkloard. ’t Joar derip stierf Arnulf.

Vrouwe en jounges

Arnulf was in 888 getrouwd mè de Konradynsche Oda, dochter van groaf Berengar van Hessengouwe. Z’haan êen zeune:

• Lodewyk IV, et Kiend

J’haad ook nog minstns vier oenwettige jounges:

• Glismut
• Zwentibold, keunienk van Lotharingen
• Ratold
• Ellinrat

Arnulf stierf in 899 en j’is begroavn in d’abdye Sankt Emmeram in Regensburg.

Je wierd ipgevolgd in Oost-Francië deur zyn wettige zeune Lodewyk et Kiend, die doa de latste Karoliengische keunienk was. Zyn oenwettige zeune Zwentibold blêef nog e joar regeern in Lotharingen, toet dat ’n stierf in 900.