Wikipedia:Toalvroagn/tie of sje

tie of sje (geconcludeerd)

Ik verstoan nie woarom da je in 't SV organisoasje, instansje, revolusje mè sje schryft en stoatie, informoatie, politie mè tie. Ofwel schryf je t'ollemolle mè tie (oorsprong van 't woord), ofwel ollemolle mè sje (meer West-Vlams). Ik zyn wel vo 'sje'.--Pastel 9 feb 2008 11:49 (UTC)

tie of sje: alternatievn

1. organisoasje, instansje, ...
2. organisoatie, instantie, ...

tie of sje: discuusje

'k Vreze dat da nie werkboar is, omdat -tie nie gebruukt es in -sje-gebied en omgekêerd. At er ton toch ne standoard zou moetn komn, ben ik vôorn -tie (doar da ze in ZW- en O-West-Vloandern ginne -sje gebruukn). 'k Zou 't ôok een goede zoake vindn mochtn we een ander woord vindn vo de "discuusje"-knop woarin dat 't probleem -sje/-tie/-sie em nie stelt. Tbc 9 feb 2008 14:46 (UTC)

Ok. Ik peizdn dan ze in heel West-Vloandern 'stoasje' en 'discuusje' zein.--Pastel 9 feb 2008 14:58 (UTC)

k'Zie gêen probleem om ze noast mekoar te loatn bestoane (stoat in "Wikipedia:Oe sprik je gy die woordn uut - reeks III" serie) moa voe noamn en cats es -tie, en -cie de SV. 't Es wel vrêselik lêlik om ze in ol ulder varioaties in 't zelfste artikel te zien stoane (dikwils met provinsje/provincie). En in discuusje es't mêer de dubble uu die ambeteert dan de -sje. --Foroa 9 feb 2008 16:05 (UTC)

Ik zyn voorstander vo assan "stoatie, provincie, conclusie" en dus ook "discussie" te schryvn.--Zeisterre 9 feb 2008 21:10 (UTC)

Die indeliks vloekt met hêel 't zuud-westn van de provinsje... SV is ossan klôte voun e masse menschn. Stoatie? 't Go zêer doen voun dadde te moetn gebruukn, mo gow, me gon 't wel nog ekir overleevn, zeker? --Meuzel

Ik zeggn ook stoasje, provinsje, concluzje, en discusje, moa da wil nie zeggn da je dat azo moe schryvn...--Zeisterre 9 feb 2008 21:18 (UTC)

Ik zyn eigentlik ôok vor één vaste maniere van schryvn en in andere toaln is de spellinge ôok anders of d'uutsproake. Ik zien dan ze 't ollene mor in de streke round Kortryk azo zeggn, mor oorsprounkelik kan 't overol azo gewist zyn. O die 'ie' in stoatie stoatieë (lang) uutgesprookn was kan d'uutsproake azo g'evolueerd zyn no de 'sje'. (idem van de ie (AN hij) no ieje en nu 'je') --Pastel 9 feb 2008 21:51 (UTC)

Idem Zeisterre. 'k Peisde trouwens da et assan 'tie' was volgens SV... Pastel, 't kat ook zyn da Kortriek e geval apart e gewist en da de reste ossan ol stoasje et gezeid :] Jack the Stripper 9 feb 2008 21:53 (UTC)

In 't Ingels spreekn ze "station", "information", "discussion", "provincial"...ook uut met een "sj" en d'r is niemand die da roare vindt da 't nie met een "sj" geschreevn wordt. 't Zou kunn zyn da 't Kust-West-Vlams ier ook beïnvloed gewist is deur 't Ingels.--Zeisterre 10 feb 2008 10:19 (UTC)

Lik of da Foroa zegt, dienen standoard es d'r ol, zie Finale -tie in SV. 't Problèm es ollene da d'r bykans niemand dienen regel volgt. Da komt verzekers omda stoatie, politie etc. ollene in het Kortrykse zo uutgesprookn es binst da de rèste van West-Vloandern stoasje, polisje zegt. 't Es wel roar da dienen SV-regel nog nie vele ter discuusje stound. --Patrick 9 feb 2008 22:15 (UTC)

Zyn d'r te vindn om en peilienge t'oudn vo de SV-regel over Finale -tie uut te breidn tout finoale -cie en -sie? --Patrick 9 feb 2008 22:35 (UTC)

Patrick, 't es ol 'n derde kêe dajje beweird dat provincie omzeggens nievers zô eutgesprookn weird. 't Ziet er noa eut dat de -tie/-cie in Kortryk, Tielt en en stik rond Brugge gebreukt weird, dus nie genoeg reedns voe da de standoard te moakn. 'k Peize dat er indertyd verschillige manieren woarn voe d'alternatievn te schryvn: polisje, polischje, polisjie en provinsje, provincië, provinsjië, provinse, provinsjhe, procinschje, ... woadeure da't de AN vorme de mêeste uniformiteit brochte. Patrick schryft provincie in êen artikel ôok ip verschillige maniern. --Foroa 9 feb 2008 22:44 (UTC)

Oe da je't gy schryft in artikels, keune'k nie zeggn. Moa -tie es wel den standoard momenteel. --Patrick 9 feb 2008 22:53 (UTC)

Petit --Foroa 9 feb 2008 23:02 (UTC)

't Was nie myn bedoelinge van 't zo moeilik te moakn, mo 'k an 'categorie Muziekverenigingn' angeklikt en 'k zoagn doa categorie organisoasje en overeidsinstansje stoan en by 't SV politie en informoatie.--Pastel 9 feb 2008 23:19 (UTC)

Ge makt gy da nie moeilik Pastel, joun upmerkiengn zyn terecht. Die categorieën zoudn moetn ernoemd zyn noa organisoatie en overeidsinstantie. Misschiens e weirkske vo Foroa? --Patrick 9 feb 2008 23:22 (UTC)

tie of sje: conclusie

Den toestand van SV es momenteel:

• -tie: zie finale -tie in SV → SV: stoatie, politie etc.
• -cie: gin uutsproakn in SV → volgens eigen uutsproake: provinsje/provincie etc.
• -sie: gin uutsproakn in SV → volgens eigen uutsproake: discuusje/discussie etc.

Wien da doar veranderienge in wilt briengn, kut deelneemn an de nieuwe peilienge -tie, -cie, -sie in SV.

Die discuusje zettn me vanof nu best van ol doar vodder. --Patrick 16 feb 2008 05:27 (UTC)