Zeventien Provinciën

Van Wikipedia
(deureverweezn van Zeevntien Provinciën)
Vlagge van de Zeventien Provinciën

De Zeventien Provinciën woarn e personele unie tusschn de (historische) stoatn van de Lege Landn uut de 16e eeuwe, en kwam à peu près overeen met Holland, België, Luxemburg, de Fransche departementn Nauw van Kales (vroeger Artesië) en Noorderdepartement.

De "zeventien" verwyst no 't oorsprounkelik aantal groafschappn, hertogdommn, markizoatn... woaruut da de unie bestound.

In 1543 kost Keizer Karel V, met et Verdrag van Venlo, 't Hertogdom Gelre en 't Groafschap Zutphen by zyn gewestn voegn. Van da joar wordn de Nederlandn de Zeventien Provinciën genoemd. Den term wordt gebruukt vo de periode van 1543 tout 1581 (de Plakkaat van Verlatinghe).

Met et Verdrag van Augsburg van 26 juni 1548 kost ie verkrygn dan de Zeventien Provinciën as êen stoat gezien wierdn, en zovele of ounofhankelik kwoamn van 't Hillig Rôoms Ryk.

Met de Pragmatieke Sanctie van 4 november 1549 wierd er bepoald dan de Nederlandn ossan mostn tegoare bluuvn ounder êen keunienk.

De Zeventiene[bewerkn | brontekst bewerken]

Genummerde koarte van de Lêge Landn

De verênigde Nederlandn, genummerd volgns de koarte:

  1. Groafschap Artesië (1)
  2. Groafschap Vloandern (2)
  3. Rysels-Vloandern (Kasselry Rysel, Dowoai en Orchies) (2)
  4. Heerlikheid Mechelen (3)
  5. Groafschap Noamn (4)
  6. Groafschap Henegouwn (5)
  7. Groafschap Zêeland (6)
  8. Groafschap Holland (7)
  9. Hertogdom Broabant met et markizoat Antwerpn en de groafschappn Leuven en Brussel + Nivelles en Gembloux (8)
  10. Hertogdom Limburg + de Landn van Overmoas (Groafschappn Dalhem en Valkenburg + Heerlikheid 's Hertogenrade) (9)
  11. Hertogdom Luxemburg (10)
  12. Doornik en 't Doornikse (2) (van 1521)
  13. Heerlikheid Friesland (12) (van 1524)
  14. Prinsbisdom, loater Heerlikheid Utrecht (11) (van 1528)
  15. Heerlikheid Overyssel (16) + Drenthe (15) (van 1528)
  16. Heerlikheid Groningen (14) (van 1536)
  17. Hertogdom Gelre (13) en Groafschap Zutphen (17) (van 1543)

Externe koppelienge[bewerkn | brontekst bewerken]

Wikimedia Commons