Lodewyk III van West-Francië

Van Wikipedia
Ga naar: Begunplekkn, zoeken
Lodewyk III
863–865 - 882
King Louis III.gif
Autograf, Karl den store, Nordisk familjebok.png
Keunienk v. West-Francië
Periode 879-882
Vôorganger Lodewyk den Hakkeloare
Ipvolger Karloman
Voader Lodewyk den Hakkeloare
Moeder Ansgarde van Bourgondië

Lodewyk III (863–865 – 5 ogustus 882), was e zeune van keunienk Lodewyk den Hakkeloare van West-Francië en Ansgarde van Bourgondië. Je volgde zyn voader in 879 ip, tegoare mè zyn broere Karloman.

Under voader was ook keunienk van Aquitanië en Provence gewist. Aquitanië kwam ounder West-Francië, mo Provence wilde de twi zeuns nie ols ipvolger en ze koozn etwien van under: Boso van Provence. Ounder hem wierd et keunienkryk Lêger-Bourgondië (of Cisjuranië) gesticht.

Vo sterker te stoan teegn Boso van Provence en ook teegn de Vikings, kwoamn de Karolingische keuniengn Lodewyk de Joungn van Oost-Francië, en Lodewyk III en Karloman van West-Francië overêen vor under gevecht vo Lotharingen te stoppn. In 880 kwoamn ze tegoare in Ribemont. Ze bevestigdn doa in ’t Verdrag van Ribemont dat ’t stik van Lotharingen, dat achter ’t verdrag van Meerssen in 870 by West-Francië gekommn was, nu by Oost-Francië kwam. Lodewyk de Joungn kost azo de grenze van zyn keunienkryk no ’t westn verschuuvn.

‘t Was de latste verdêlienge van ‘t Frankisch Ryk en die grenze tusschn Vrankryk en Duutsland blêeft de reste van de Middelêeuwn bykan ounveranderd.

In 881 he Lodewyk III de Vikings kunn versloan, deur zyn overwinnienge by de Slag van Saucourt-en-Vimeu, die bezoungn wordt in ’t Oudhoogduuts Ludwigslied. Mor in 882 ist ie gestorvn. Je viel van zyn peird in Saint Denis, binst dat ie achter e meisje zat.

Deurdat ie gin jounges haad kwam zyn broere Karloman ollêne keunienk.

Overwinnienge van Lodewyk III en Karloman teegn de Vikings in 879 (Grandes Chroniques de France deur Jean Fouquet, 1455-1460)
’t Ryk van Lodewyk III in ’t purper
Wikimedia Commons