Mêesn

Dit artikel es geschreevn in 't Mêesns, en da zou best ozô bluuvn.

Stad Mêesn

Liggienge binn 't arroundissement Yper in de provinsje West-Vloandern
Geografie
Gewest	Vloandern
Provincie	West-Vloandern
Arroundissement	Yper
Liggienge	{{{nb}}} NB {{{ol}}} OL
Coördinoatn	50°45′NB 2°53′OL
Ippervlak	3,58 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	1.040 (01/01/2018) 50,58% 49,42% 290,50 inw./km²
Leeftydsipbouw 0–17 joar 18–64 joar 65 joar en ouder	(01/01/2013) 20,76% 60,28% 18,96%
Buutnlanders	13,27% (01/01/2018)
Weirklôoseidsgroad	8,53% (01/10/2018)
Polletiek
Burgemêester	Sandy Evrard (MLM)
Coaliesje	MLM
Zetels MLM RESPECT!	9 (2019-'24) 7 2
Dêelgemêentn me postcode
Postcode	Dêelgemêente
8957	Mêesn
And're info
Zonenummer	057
Poliesjezone	{{{polz}}}
Webadres	www.mesen.be

Mêesn (officieel Nederlands: Mesen) is een steej in West-Vloandern. 't Is officieel 't klènste stadje van België. Mêesn legt juste lasen 't Euvelland. 't Is een steej op z'n eigen omdan d'r ouk faciliteiten zyn voe Franstoaligen. D'r weun om en by de 1.000 menschen.

Geschiedenisse

De glôrietyd van Mêesn legt ol lange in 't verleden. In 'n tyd van de loakenindustrie (12stn êeuw) wos de stad redelik belangryk, want ze lag op de route tusschen Rysel (Lille) en Yper. Lik ol de grôte steedn a ze e joarmart. Doarachter kwam et verval.
In 1776 sticht keizerinne Maria Theresia van Ôostnryk 't Keuninklik Gesticht van Mêesn, achter dat de vroeger abdy wos ofgeschaft. 't Is doamei d'oudste Oopnboare Instellieng van Belgie.
In 'n Êestn Weireldôorlog wos de stad hêlegansn plat gebombardeerd, want in 1917 wos 't er een zwoarn veldslag tusschen de Geallieerde en 'n Duuts: de Twidde slag om Mêesn.
Mêesn probeert nu surtout de toeristische kaarte te trekkn. De stad positioneert ze zevn als vredesstad. Vele toeristn ut 't Gemênebest passeern ouk ol Mêesn als ze nar Yper en Passchendoale komn.

Beziensweirdigheedn

Kykt noa Bouwkundig erfgoed in Mêesn

Veel kerkoovn ut 'n Êestn Weireldôorlog.
De Sint-Nikloajkerke die in de volksmound "'n Dikkop" wordt genoemd. "Dikkoppn" is sedertdien ouk de bynoame van de Mêesnoars.
Ounder de Sint-Nikloajkerke legt er e Romaanse crypte uut den 11stn êeuw. Doa legt er ouk e gedenkploate voa Adela van Mêesn.
De tôorn in 't Iers Vredespark: e monument ter êre van ol de Iersche soldoatn (zowel katholiekn als protestantn) die zy-an-zy mi makoar gevochn en tegen de Duutsche. 't Wos inhuldigd op 11/11/1998 deur Mary McAleese (president van Ierland), keuniginne Elizabeth II van Iengeland en keuning Albert II van België.
Z'en ouk e nieuw hotel vo de joenge gasten uut Ierland.

Polletiek

De burgemeester is Sandy Evrard. Evrard is van de blauwe. De blauwe en ol sedert 'k weetni oe lange de mêerderied in Mêesn. Achter de gemêenteverkiezingn van oktober 2018 is de situoasje als volgt:

MLM (Mesense Liberalen/Liberaux Messinois): 7 zetels
RESPECT: 2 zetels

Mêesn komt dikkers in 't nieuws omda de gemêentebelastingn zo oge leggn. Da komt volgens de mêerderied omdat 't zuk e klêen stadje is da voer olles zelve moet opdroajn. Oe da 't ouk is: in een enquête ounder d'eigen bevokinge va Het Nieuwsblad (4/9/2006) kwam Sandy Evrard na vôorn as de sympathiekstn burgemêester va Vloandern. De latste joarn probeert Evrard, ondanks zyn numerieke machtsposisje, toch overêen te komn met de minderied.

Lokoale anduudiengn

Sommigte plekkn in Mêesn goa je ni were viengn op e kaarte, moar olleman terplekke wit wuk da ze willn zeggn.

't Kruus: e levensgrôot kruus mi Jezus op 't ende van 't bewunde stik van de Ryselstroate
Ipperoek: e gebied da dêels in Mêesn, dêels in Wytschoate legt.
Beiroek (Beerhoek): d'uuzn tusschen de Gentstroate en d'Ermentiersstroate.

Trivia

Mêesn is verbroederd mi Featherston, e stadje in Nieuw-Zêeland.

Ofbeeldiengn die ier by passn ku je vien in de categorie Mesen van Wikimedia Commons.

Externe koppelienge

Provinsje West-Vloandern

België | Provinsjes