Stroazele
 StroazeleStrazeele | |
|---|---|
_Nord-france.svg)
| |
 Stroazele in't arroundissement Duunkerke | |
| Geografie | |
| Regio | Nord-Pas-de-Calais |
| Departement | Noorderdepartement |
| Arroundissement | Duunkerke |
| Kanton | Oazebroeke-Zuud |
| Coördinoatn | {{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL |
| Ippervlak | 4.69 km² |
| Inweuners | |
| Inweuners | 678 (2009) 145 inw./km² |
| Andere | |
| Burgemêester | Elisabeth Gressier |
| Postcode | 59270 |
| Webadres | Officiëln site |
Stroazele (Frans: Strazeele, Nederlands: Strazele) es e gemêente in Vrankryk in't Noorderdepartement. 't Ligt in Frans-Vloandern in't Houtland. 't Grenst an de gemêentn Koaster, Vletern, Merris, Oud-Berkyn en Pradeels. An de nôordkant van Stroazele passeert d'yzerboane vo den TGV tusschn Rysel en Kales en an de zuudkant lôopt d'yzerboane vo de geweune trings tusschn Rysel en Oazebroeke.
Etymologie en geschiedenisse
[bewerkn | brontekst bewerken]'t Groundgebied van de gemêente ligt langsn 't tracé van en oude Romeynsche heirboane tusschn Kassel en Atrecht. 't Dorp es verzekers gesticht gewist in de zesde êeuwe deur Salische Frankn. In 875 es 't vermeld lyk Stratsele en in 1160 lyk Stracelle. De noame es verzekers e soamnvoegsel van de woordn straat en zeele die "uus langs de boane" wilt zeggn, e verwyzienge na de Romeynsche heirboane.
Der es ôok nen alternatievn (mo verzekers missn) uutleg da zeele "veugel" zo willn zeggn en da je de noame van 't dorp zo kunn'n vertoaln lyk "Veugelstroate". Dien uutleg es't gevolg van de legende van den blendn ridder van Stroazele en de drie meistjens.
't Dorp es byst den Êestn Weireldoorloge hillegans van de koarte gevoagd deur battroazjes in april 1918
Bezienswoardigeedn
[bewerkn | brontekst bewerken]- E stèle die de fusilleerienge van Abbé Bogaert van 9 oktober 1914 erdenkt als symbool vo de dôo uut den Êestn Weireldoorloge.
- E kapelle gebouwd in 1932 en geweyd an Johannes Maria Vianney ip de route richtieng Belle.
- De Sent-Moartnskerke in Vlamsche styl van achter den oorloge me en bêeld van de Notre Dame de Consolation et de Délivrance.
Geboorn in Stroazele
[bewerkn | brontekst bewerken]- Pierre Pintaflour (1502-1580), bisschop van Dôornik tusschn 1575 en 1580.
- Jean Strazeele ofte Joannes Strazelius, professor Oud-Grieks uut de zestiende êeuwe.
-
Zicht ip Stroazele -
Monument vo de dôo uut den Êestn Weireldoorloge -
De Sent-Moartnskerke
